„სამხრეთის კარიბჭეს“ საახალწლო ნომინაციები

წლის მოვლენა - ბორჯომში ახალი წელი ერთი დღით ადრე, 30 დეკემბერს იზეიმეს.

წლის მუშტი - ჟენია მერაბიშვილი, ყოფილი პრემიერ მინისტრის ვანო მერაბიშვილის დედა, სკოლის მოსწავლეებმა და დამლაგებელმა ცემაში დაადანაშაულეს.

წლის მშიშარა - სამცხე-ჯავახეთის ყოფილი გუბერნატორი ივანე წიკლაური.

წლის ახდენილი ოცნება - ოლეგ სანდროშვილი ახალციხის მუნიციპალიტეტის საკრებულოს თავმჯდომარის როლში.

წლის ფრაზა - „ნაგავში ცხოვრობდით“ - ყოფილი პრეზიდენტის მიხეილ სააკაშვილის მიმართვა ახალციხელებს.

წლის იღბლიანი - ორი ინსტანციის სასამართლოში გამართლებული, ბორჯომის პოლიციის ყოფილი უფროსი, მამაკაცის გაუპატიურებაში ბრალდებული მამუკა ხვედელიანი.

წლის მის უკმაყოფილება - „ქართული ოცნების“ წარმომადგენელი ლელა ჩიტორელიძე.

წლის სხარტი - „ნაციონალებიდან“ „ოცნებაში“ გადასული ახალქალაქის მუნიციპალიტეტის გამგებელი ნაირი ირიციანი.

წლის უიღბლო ნათესავი - ადიგენის მუნიციპალიტეტის ყოფილი გამგებელი სიმონ პარუნაშვილი, რომლის მიმართაც სისხლის სამართლებრივი დევნაა დაწყებული.

წლის სკამი - სამცხე-ჯავახეთის გუბერნატორის პოსტი.

წლის პროექტი - არჩევნების წინა ღამეს „ოცნების“ შტაბის უფროსის ცოლისძმის მიერ „ადინაცატებში“ მოხრეშილი გზა.

წლის იმიჯი - ახალციხის ციხის დირექტორი ელგუჯა ბიჭაშვილი.

წლის სპეცოპერაცია - ადიგენის მუნიციპალიტეტის სოფელ ჭელაში მეჩეთთან მოჭრილი მინარეთი.

წლის შარდენი - ხელოვნური ტბის კომპლექსი ახალციხეში.

წლის ვიზიტი - „ლეიბორისტული პარტიის“ ლიდერისა და საქართველოს პრეზიდენტობის კანდიდატის შალვა ნათელაშვილის ვიზიტი ახალციხეში.

წლის მოულოდნელობა - სამცხე-ჯავახეთის ახალდანიშნული გუბერნატორი აკაკი მაჭუტაძე.

წლის სტუმარ-მასპინძლობა - „ოცნებისა“ და „ნაციონალების“ ცალ-ცალკე გაშლილი სუფრები ასპინძაში „შოთაობის“ სახალხო დღესასწაულზე.

წლის მიჯნური - შსს-ს სამცხე-ჯავახეთის სამხარეო მთავარი სამმართველოს უფროსი თეიმურაზ კალანდაძე.

წლის ლელო - რაგბის ეროვნული ნაკრებიდან ასპინძის მუნიციპალიტეტის გამგებლად მოსული ლევან ცაბაძე.

წლის რობიკო - მესხეთის (ახალციხის) პროფესიული სახელმწიფო დრამატული თეატრის სამხატვრო ხელმძღვანელი ლია სულუაშვილი.

წლის სასწრაფო დახმარება - „დემოკრატ მესხთა კავშირის“ წარმომადგენელი გია ანდღულაძე.

წლის შემფასებელი - ასოციაცია „ტოლერანტის“ თავმჯდომარე ცირა მესხიშვილი.

წლის კომენტატორი - ახალციხის სასოფლო-საკონსულტაციო სამსახურის აგრო-კონსულტანტი ზურა სადათიერაშვილი.

[sknews.ge]