სამცხე–ჯავახეთის გუბერნატორი შს მინისტრის ყოფილი მოადგილე იქნება

ბესიკ ამირანაშვილს, საქართველოს პრემიერ–მინისტრი მამუკა ბახტაძე კიდევ ხუთი რეგიონის გუბერნატორთან ერთად დაასახელებს.

ბესიკ ამირანაშვილის სამცხე–ჯავახეთის გუბერნატორად დანიშვნის შესახებ ინფორმაცია გუშინ, 18 აგვისტოს "რუსთავი 2"–მა გაავრცელა. თუმცა "სამხრეთის კარიბჭეს" საქართველოს მთავრობის ადმინისტრაციაში განუცხადეს, რომ მხარის ახალი ხელმძღვანელის ვინაობა 20 აგვისტოს, პრემიერის ბრიფინგზე გახდებოდა ცნობილი.

ბესიკ ამირანაშვილი 1985 წლის 28 აგვისტოს თბილისში დაიბადა;

2007 წელს დაამთავრა თბილისის სახელმწიფო უნივერსიტეტის იურიდიული ფაკულტეტი;

2007-2008 წლებში იყო თბილისის საერთაშორისო აეროპორტის საავიაციო უშიშროების სამსახურის ინსპექტორი;

2008 წელს შსს-ს თბილისის მთავარი სამმართველოს ისანი-სამგორის სამმართველოს უბნის ინსპექტორების განყოფილების უბნის ინსპექტორ-გამომძიებელი;

2008-2009წწ. შსს-ს თბილისის მთავარი სამმართველოს ისანი-სამგორის სამმართველოს პოლიციის მეორე განყოფილების უბნის ინსპექტორ-გამომძიებელი;
2009-2011წწ. შსს-ს თბილისის მთავარი სამმართველოს დეტექტივების სამმართველოს პირველი განყოფილების დეტექტივის თანაშემწე-გამომძიებელი; დეტექტივ-გამომძიებელი;

2011-2012წწ. შსს-ს მცხეთა-მთიანეთის სამხარეო მთავარი სამმართველოს დუშეთის რაიონული სამმართველოს უფროსის მოადგილე;

2012-2013წწ. შსს-ს კახეთის სამხარეო მთავარი სამმართველოს უფროსის მოადგილე; 2013-2014წწ. შსს-ს კახეთის სამხარეო მთავარი სამმართველოს უფროსი;
2014-2015წწ. შსს-ს იმერეთის, რაჭა-ლეჩხუმისა და ქვემო სვანეთის სამხარეო მთავარი სამმართველოს უფროსი;

2015 წელს შსს-ს აჭარის ა/რ მთავარი სამმართველოს უფროსი; 2015-2016წწ. შსს-ს აჭარის ა/რ პოლიციის დეპარტამენტის დირექტორი;

2016–2017 წლებში იყო საქართველოს შინაგან საქმეთა მინისტრის პირველი მოადგილე;

ჰყავს მეუღლე და ერთი შვილი.

შეგახსენებთ, რომ 26 ივლისს პრემიერმა 5 რეგიონის - სამცხე - ჯავახეთის, შიდა ქართლის, მცხეთა - მთიანეთის, სამეგრელო- ზემო სვანეთის და ქვემო ქართლის გუბერნატორები თანამდებობებიდან გაათავისუფლა.რამდენიმე თვე გუბერნატორის ადგილი ვაკანტური იყო იმერეთის რეგიონშიც.

[sknews.ge]