სამცხე–ჯავახეთის ყოფილი გუბერნატორი გამგებლად

„მას აქვს ძალიან კარგი გამოცდილება ადგილობრივ თვითმმართველობაში მუშაობის. ის არის მეურნე ადამიანი და დარწმუნებული ვარ, იმ პროექტებს, რომელიც ჩვენ გვაქვს დაგეგმილი სამგორის რაიონში, ჩვენთან ერთად ძალიან მაღალ დონეზე შეასრულებს და მაქსიმალურად დაიცავს სამგორელების ინტერესს “, - განცხადა კალაძემ დედაქალაქის მთავრობის სხდომაზე.

კახა სამხარაძის კანდიდატურა დასამტკიცებლად საკრებულოში გადაიგზავნება.

კახა სამხარაძე სამცხე–ჯავახეთის გუბერნატორად 2018 წლის 31 მარტს დაინიშნა, მანამდე მას შიდა ქართლის გუბერნატორის თანამდებობა ეკავა. მან რეგიონში აკაკი მაჭუტაძე შეცვალა.

2018 წელს, ფაქტობრივად, გუბერნატორებმა ადგილები შეცვალეს, სამცხე–ჯავახეთის გუბერნატორი აკაკი მაჭუტაძე შიდა ქართლში გადაიყვანეს, შიდა ქართლის გუბერნატორი კახა სამხარაძე კი სამცხე–ჯავახეთის გუბერნატორად დანიშნეს.

ის დანიშვნიდან ოთხ თვეში თანამდებობიდან გაათავისუფლეს.

საზოგადოებას, კახა სამხარაძე მისი ინიციატივით მოწყობილი ექსპედიციებით ახსოვს.

ყოფილმა გუბერნატორმა სტუდენტებთან ერთად ექსპედიციები 2018 წლის 11 ივნისს დაიწყო და 27 ივლისს დაასრულა.

სამცხე–ჯავახეთის სახელმწიფო უნივერსიტეტის 100–მდე სტუდენტმა ორ–ორი დღის განმავლობაში ექვსივე მუნიციპალიტეტის კულტურულ-ისტორიული ძეგლები, ტურისტული ობიექტები და მიმდინარე ინფრასტრუქტურული პროექტები ერთად დაათვალიერეს, შეხვდა ადგილობრივ მოსახლეობას და მათი პრობლემებიც მოისმინა. ამ პერიოდის განმავლობაში, ახალგაზრდები გუბერნატორთან და სამხარეო ადმინისტრაციის წარმომადგენლებთან, ასევე მერიის თანამშრომლებთან ერთად ღამეს კარვებში ათევდნენ.

[გულო კოხოძე, ახალციხე]