საქართველოში კორონავირუსით ინფიცირებულთა რიცხვი 66–მდე გაიზარდა

ქვეყანაში ამ დროისთვის სულ 66 დადასტურებული შემთხვევაა. კარანტინის რეჟმში 3 320, ხოლო სტაციონალური მეთვალყურეობის ქვეშ 235 პირია. გამოჯანმრთელების ცხრა შემთხვევა ფიქსირდება.

საქართველოში კორონავირუსის პირველი შემთხვევა 2020 წლის 26 თებერვალს დაფიქსირდა. ინფექცია 50 წლამდე კაცს დაუდგინდა, რომელიც საქართველოში ირანიდან, აზერბაიჯანის გავლით შემოვიდა. იგი დაინფიცირებიდან 20 დღეში სრულად გამოჯანმრთელდა, კლინიკა დატოვა და თვითიზოლაციაში იმყოფება. 29 თებერვალს კორონავირუსთან დაკავშირებით შექმნილმა საკოორდინაციო საბჭომ საგანმანათლებლო დაწესებულებებში სწავლის შეჩერების გადაწყვეტილება მიიღო. მოგვიანებით, დისტანციურ რეჟიმზე გადავიდა თითქმის ყველა, სამთავრობო და არასამთავრობო ორგანიზაცია. 11 მარტს ჯანდაცვის მსოფლიო ორგანიზაციამ ახალი კორონავირუსი პანდემიად გამოაცხადა, 20 მარტიდან ქვეყნის მასშტაბით სავაჭრო ობიექტები დროებით დაიხურა. კვების ობიექტების ნაწილი კი ე.წ გატანის სერვისზე გადავიდა. 21 მარტს ქვეყანაში საგანგებო მდგომარეობა გამოცხადდა. საქართველოს პრეზიდენტმა ამისთვის სპეციალური დეკრეტი გამოსცა.

23 მარტს პრემიერ–მინისტრმა გიორგი გახარიამ ბრიფინგზე განაცხადა, რომ ქვეყანა შიდა გავრცელების ეტაპზე გადავიდა, რადგან ვერ დადგინდა მარნეულში მცხოვრები 62 წლის ქალის ინფიცირების წყარო, ამის გამო მარნეულის და ბოლნისში მკაცრი საკარანტინო მდგომარეობა გამოცხადდა. ჯანდაცვის ექსპერტ აკაკი ზოიძის თქმით, კორონავირუსით ინფიცირებული პაციენტის კონტაქტების რაოდენობა 1 700-მდეა.

ამავე თემაზე:

რა სიმპტომები აქვს კორონავირუსს და როგორ დავიცვათ თავი ინფექციისგან?

კორონავირუსის ახალი შემთხვევები და დაავადებათა კონტროლის ცენტრის რეკომენდაციები

როგორია კორონავირუსის სიმპტომები და რა შემთხვევაში უნდა მიმართოთ ექიმს?

რა უნდა გაითვალისწინოთ თვითიზოლაციაში ყოფნის დროს – რეკომენდაციები

მსოფლიო ჯანდაცვის ორგანიზაციის მიერ შემუშავებული რეკომენდაციები

რით განსხვავდება ერთმანეთისგან COVID-19 და გრიპი?

რას ღონისძიებები გატარდება საგანგებო მდგომარეობის დროს – პრემიერ–მინისტრის განმარტებები

[sknews.ge]