პრემიერი: მარნეულის და ბოლნისის მუნიციპალტეტები გადადიან მკაცრ საკარანტინო რეჟიმზე

„დღეს გვქონდა საკმაოდ რთული შემხვევა, მარნეულში გვყავს ინფიცირებული ქალბატონი, რომლის ინფიცირების წყაროს დადგენაც ვერ მოხერხდა. ეს გახლავთ ის შემთხვევა, რომელზეც რამდენიმე დღეა ვსაბრობთ და რომლისთვისაც ვემზადებოდით, რომ ქვეყანაში დაიწყებოდა შიდა გადაცემების ეტაპი. ამ ყველაფერში სამწუხარო გახლავთ ის, რომ როგორც ჩანს, ჩვენი ეპიდემიოლოგების პროგნოზით, შიდა გადაცემა მოხდა სარიტუალო ღონისძიების დროს, რომელსაც ესწრებოდა რამდენიმე ათეული ადამიანი. დღეს ჩვენმა ეპიდემიოლგებმა დაადგინეს 90–მდე პირი, ჯერ ეს არაფერს არ ნიშნავს. სიტუაცია გახლავთ ძალიან რთული და ეს არის ძირითადი გამოწვევა, რომელსაც ჩვენ ვეძახდით გავრცელების შიტა ეტაპზე გადასვლას და რომლისთვისაც ჩვენ მაქსიმალურად ვართ მომზადებულები", – განაცხადა ბრიფინგზე გიორგი გახარიამ.

მისი თქმით, სიტუაცია ძალიან რთულია, აქედან გამომდინარე საქართველოს მთავრობას მოუწია გადაწყვეტილების მიღება, რომ მარნეულის და ბოლონისის მუნიციპალიტეტები გადავიდნენ მკაცრ საკარანტინო რეჟიმზე.

22 მარტის მონაცემებით, ქვეყანაში კორონავირუსის 54 დადასტურებული შემთხვევაა, მათ შორის გამოჯანმრთელებულია - 3,კარანტინის რეჟიმში იმყოფება 3 254, სტაციონარში მეთვალყურეობის ქვეშ კი 233.

[sknews.ge]