კორონავირუსით ინფიცირებული პირველი პაციენტი გამოჯანმრთელდა

საქართველოში პირველი დაინფიცირებული 26 თებერვალს ირანიდან შემოვიდა. მას კლინიკიდან სავარაუდოდ დღეს, 16 მარტს გაწერენ.

„გამოჯანმრთელებული პაციენტი დღეს ალბათ დატოვებს საავადმყოფოს. დღის განმავლობაში კიდევ შეფასდება მისი მდგომარეობა. სავარაუდოდ, ის დატოვებს კლინიკას, მაგრამ კიდევ ერთი კვირის განმავლობაში საცხოვრებელი ადგილის მიხედვით თვითიზოლაციაში იქნება“, - ინფეციური საავადმყოფოს დირექტორმა, განაცხადა ეზუგბაიამ.

რაც შეეხება მეორე პაციენტს, მარინა ეზუგბაიას განცხადებით, მას განმეორებით ტესტი დღეს ჩაუტარდება.

16 მარტის, 11:00 საათის მონაცემებით, საქართველოში კორონავირუსით დაინფიცირების 33 შემთხვევაა დაფიქსირებული.

ბოლო დღე-ღამის განმავლობაში მსოფლიოში კორონავირუსს 683 ადამიანი ემსხვერპლა. ყველაზე მეტი, 368 ადამიანი ვირუსმა იტალიაში იმსხვერპლა, 96 პაციენტი დაიღუპა ესპანეთში, საფრანგეთში – 36. 113 ადამიანი გარდაიცვალა ირანში, ჩინეთში – 14.

კორონავირუსით მსოფლიოში ჯამში 6 518-ი ადამიანი გაირაიცვალა, 77 776 პაციენტი კი გამოჯანმრთელდა.

[sknews.ge]