სამცხე-ჯავახეთის ექვსივე მუნიციპალიტეტი დისტანციურ რეჟიმში იმუშავებს

12 მარტიდან, სხვა მუნიციპალიტეტების მსგავსად, მუშაობას დისტანციურ რეჟმში დაიწყებს ახალციხის მუნიციპალიტეტის მერია.

„მერიაში სხვადასხვა მომსახურების მიღების მიზნით მოსულ მოქალაქეებს, შიდა სატელეფონო კომუნიკაციის საშუალებით გაეწევათ შესაბამისი მომსახურება და დახმარება. გადაუდებელი აუცილებლობის შემთხვევაში კი, თანამშრომლები სპეციალური აღჭურვილობით განახორციელებენ სამსახურეობრივ ფუნქციებს. ეს განსაკუთრებით შეეხება ჯანდაცვისა და სოციალურ განყოფილებებს, სადაც მოსახლეობის მხრიდან ყველაზე მეტი მიმართვიანობაა“, -განაცხადეს ახალციხის მერიაში.

მათივე თქმით, შენობაში არსებულ, სამუშაო კაბინეტებსა და მოქალაქეთა მისაღებ ოთახებს სპეციალური სადეზინფექციო ხსნარებით ამუშავებენ. გადაუდებელი აუცილებლობიდან გამომდინარე კი, განთავსდება შესაბამისი აღჭურვილობა და დისპანსერები სპეციალური სადეზინფექციო ხსნარით.

მერიის შენობაში არსებულ „სათნოების სახლში“ კი ყოველდღიურად მომზადდება სადილი და ბენეფიციარებს კონტეინერებით შეეძლებათ კუთვნილი ულუფების სახლში წაღება.

ახალციხის გარდა, მუშაობის დისტანციურ რეჟიმზე გადავიდა ადიგენის მუნიციპალიტეტის მერიაც: „დისტანციურად ვიმუშავებთ სპეციალისტები, თუმცა ხელმძღვანელობა და სამსახურის უფროსები ივლიან სამსახურში ყოველდღიურად“.

მსგავი სამუშაო რეჟიმი იქნება ასპინძისა და ახალქალაქის თვითმმართველობებშიც.

დისტანციურად მუშაობის რეჟიმზე რეგიონში პირველად ბორჯომისა და ნინოწმინდის მერიები გადავიდნენ.

[მარიამ ბარძიმაძე, ახლციხე]