ახალციხის ვიცე მერი შეიცვალა – პოზიცია ილია ზარდიაშვილმა დაიკავა

"დღეს დაიწერა ბრძანება და დღეს დავინიშნე ოფიციალურად. აღნიშნული თანამდებობა შემომთავაზა უშუალოდ ქალაქის მერმა", – განაცხადა ილია ზარდიაშვილმა 'სამხრეთის კარიბჭესთან".

რაც შეეხება სამომავლო გეგმებს, ახალი ვიცე მერი ამბობს, რომ კონკრეტულ გეგმებზე საუბარი ჯერ ნაადრევია: "გავერკვევი".

ახალი ვიცე მერი თანამშრომლების ნაწილს უკვე შეხვდა.

ახალციხის მუნიციპალიტეტის ადმინისტრაციის სამსახურს ილია ზარდიაშვილი 2014 წლის ივლისიდან ხელმძღვანელობდა.

შეგახსენებთ, ილია ზარდიაშვილამდე ეს პოზიცია ზაზა თამარაშვილს ეკავა, რომელიც ასევე დღეს, ახალციხის ციხის დირექტორად დაინიშნა.

[sknews.ge]