გიორგი კოპაძე: „არ გამოვრიცხავ, რომ მერობის კანდიდატი ზარდიაშვილი იყოს“.

ახალციხის ყოფილი მერი და „ქართული ოცნების“ მაჟორიტარი დეპუტატობის კანდიდატი ახალციხე–ადიგენის ოლქში გიორგი კოპაძე ფიქრობს, რომ ახალციხეში მერის შუალედური არჩევნები დაინიშნება.

„მანამდე კი მოვალეობას ვიცე-მერი ილია ზარდიაშვილი შეასრულებს. ასევე, არ გამოვრიცხავ, რომ მერის არჩევნებში ერთ-ერთი კანდიდატი სწორედ ზარდიაშვილი იყოს, ილიას კანდიდატურა ალბათ დადგება კიდეც და [მერად] ძალინ კარგი ენერგიული პიროვნება გვეყოლება“, – აცხადებს კოპაძე.

თავად ზარდიაშვილი კი აცხადებს, რომ ამაზე საუბარი ჯერ ადრეა: „ისიც არ ვიცი დაინიშნება თუ არა მერის არჩვენები, ამიტომ ვერაფერს გეტყვით“.

შეგახსენებთ, რომ 7 აგვისტოს „ქართულმა ოცნებამ“ მაჟორიტარი დეპუტატობის კანდიდატად ადიგენი-ახალციხის ოლქში, ქალაქის მერი გიორგი კოპაძე დაასახელა, ამის შემდეგ ქალაქში საკადრო ცვლილებები განხორციელდა. ახალციხის ვიცე მერი ზაზა თამარაშვილი „ახალციხის ციხის“ დირექტორად დაინიშნა, მის პოზიციაზე კი ილია ზარდიაშვილი გადაიყვანეს.

[ლუბა გიორგაძე, ახალციხე]