ახალციხის ყოფილი ვიცე მერი ეკონომიკის სამსახურს უხელმძღვანელებს

ილია ზარდიაშვილი მუშაობას დღეს, 26 თებერვალს შეუდგა. იგი ეკონომიკის სამსახურის უფროსის პოზიციაზე მერიამ საჯარო მოხელეთა კონკურსით შეარჩია.

„ეს სფერო ნაცნობია ჩემთვის, მერის მოადგილე როცა ვიყავი ინფრასტრუქტურის საკითხებთან ერთად ეკონომიკის მიმართულებასაც ვხელმძღვანელობდი“, – ამბობს ზარდიაშვილი.

ახალციხის მუნიციპალიტეტის მერიამ ზარდიაშვილთან ერთად კონკურსის წესით შერჩეული კიდევ ოთხი თანამშრომელი დანიშნა. მათ სხვადასხვა პოზიცია დაიკავეს, მერიის ადმინისტრაციაში, კულტურის, საფინანსო–საბიუჯეტო და ინფრასტრუქტურის სამსახურებში.

„ექვსი მარტის ჩათვლით სხვა შერჩეული კონკურსანტებიც დაინიშნებიან“, – აცხადებენ მერიაში.

ახალციხის თემში ადმინისტრაციის სამსახურს 2016 წლის აგვისტომდე ხელძღვანელობდა. შემდეგ ახალციხის მერის პირველ მოადგილედ დაინიშნა და 2017 წლის ნოემბრამდე ეს პოზიცია ეკავა.

[sknews.ge]