საკადრო ცვლილებები საქართველოს მთავრობაში

საქართველოს მთავრობაში ორივე პოზიცია მას შემდეგ გახდა ვაკანტური, რაც უკვე ყოფილი ვიცე–პრემიერი და ენერგეტიკის მინისტრი კახა კალაძე „ქართულმა ოცნებამ“ თბილისის მერობის კანდიდატად დაასახელა.

„საგარეო საქმეთა მინისტრის ამ პოზიციაზე დანიშვნით, ვფიქრობთ, რომ კიდევ ერთხელ გაესმება ხაზი ჩვენი საგარეო პრიორიტეტების მნიშვნელობას საქართველოს მომავლის შენების საქმეში. ძალიან წარმატებული ნაბიჯები გადადგა მიხეილ ჯანელიძემ. ვიზალიბერალიზაციის პროცესის წარმატებით დასრულება იყო ძალიან მნიშვნელოვანი და ამ მიმართულებით ლომის წილი საგარეო საქმეთა სამინისტროს ჰქონდა“, - განაცხადა პრემიერ–მინისტრმა გიორგი კვირიკაშვილმმა ჯანელიძის ვიცე–პრემიერად წარდგენისას.

საქართველოს მთავრობაში ვიცე პრემიერის სამი თანამდებობაა. პირველი ვიცე პრემიერის პოსტს ფინანსთა მინისტრი დიმიტრი ქუმსიშვილი იკავებს, ვიცე პრემიერები არიან ასევე განათლებისა და მეცნიერების მინისტრი ალექსანდრე ჯეჯელავა და ახლა უკვე საგარეო საქმეთა მინისტრი მიხეილ ჯანელიძე.

რაც შეეხება შეეხება ენერგეტიკის მინისტრად ილია ელოშვილის დანიშვნას, როგორც გიორგი კვირიკაშვილმა აღნიშნა, 2012 წლიდან ილია ელოშვილი ენერგეტიკის მინისტრის პირველი მოადგილეა და ყველა პროექტში, რომელიც ენერგეტიკის სამინისტრომ განახორციელა, მას დიდი წვლილი აქვს შეტანილი.

„ მე დარწმუნებული ვარ, რომ იგი წარმატებით გაართმევს ამ ძალიან მნიშვნელოვან ამოცანებს თავს. მას აქვს გამოცდილება როგორც კერძო სექტორში, ასევე საჯარო სექტორში, საერთაშორისო პროგრამებში მუშაობის. ვფიქრობ, რომ ილია იქნება ძალიან წარმატებული ენერგეტიკის მინისტრი“, - განაცხადა გიორგი კვირიკაშვილმა მთავრობის სხდომაზე.

[sknews.ge]