ახალციხის მუნიციპალიტეტის გამგებელი სამსახურის უფროსებს ნიშნავს

ახალციხის მუნიციპალიტეტის ადმინისტრაციის სამსახურს ილია ზარდიაშვილი უხელმძღვანელებს;საფინანსო – საბიუჯეტო სამსახურს – გელა ლომიძე.

ეკონომიკის განვითარებისა და ქონების მართვის სამსახურის უფროსის კანდიდატურაზე ნოდარ ტალახაძე განიხილება, შესყიდვების სამსახურის უფროსად კი ქეთევან ინასარიძე.

ინფრასტრუქტურის, სივრცითი მოწყობის, არქიტექტურისა და მშენებლობაზე ზედამხედველობის სამსახურის უფროსი ნოდარ ბალახაშვილი იქნება;

კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურის უფროსი – მაია სხირტლაძე.

იურიდიულ სამსახურს ევა იველაშვილი უხელმძღვანელებს; სამხედრო აღრიცხვასა და გაწვევის სამსახურს კი გიორგი კაპანაძე.

ახალციხის მუნიციპალიტეტის გამგებლის ზაზა მელიქიძის თქმით, თანამშრომლების დანიშვნის ბრძანებებს ხელი მას შემდეგ მოეწერება, როცა ახალციხის მუნიციპალიტეტის საკრებულოს მიერ დამტკიცებული გამგეობის და მისი სტრუქტურული ერთეულების საშტატო ნუსხა ოფიციალურად გამოქვეყნდება.

ახალციხის მუნიციპალიტეტის გამგეობის თანამშრომლები მუშაობას სავარაუდოდ ხვალიდან, 24 ივლისიდან შეუდგებიან.

[მანანა სარაშვილი, ახალციხე]