ახალციხეს ახალი მერი და ახალი ვიცე–მერი ჰყავს

დღეს, 18 ნოემბერს ახალციხის საკრებულოს რიგით მე–15 სხდომაზე ახალციხის არჩეული მერის დანიშვნის საკითხი დეპუტატებმა ცნობად მიიღეს.

პირველი რაც ვლადიმერ ზედგინიძემ წარდგენის შემდეგ საკრებულოს სხდომაზე განაცხადა იყო ის, რომ იგი ვიცე–მერად ამ დრომდე მერის მოვალეობის შემსრულებელს ილია ზარდიაშვილს ნიშნავდა.

„კვლავ დავბრუნდი სახელმწიფო სამსახურში 11 წლის შემდეგ, ამას გარკვეული ემოციაც ახლავს. ამჟამად მიმდინარეობს ბიუჯეტის განხილვა და ბევრი საკთხი უნდა გადავჭრათ“, – აცხადებს ზედგინიძე.



დღეს იგი სამუშაო ოთახში საკრებულოს წევრებთან ერთად შევიდა და აქ მან დეპუტატებს ზარდიაშვილი ისე, როგორც ვიცე–მერი, კიდევ ერთხელ წარუდგინა: „იმედი მაქვს, რომ ილია დამიდგება გვერდში“.

„არსებითი მნიშვნელობა არ აქვს პოზიციას, მთავარია საშუალება მოგვეცე,ს რომ ვაკეთოთ ქალაქისთვის მნიშვნელოვანი საქმე“, – განაცხადა ზარდიაშვილმა.

საკრებულოს დეპუტატები აცხადებენ, რომ ახალ მერს მუშაობაში ხელს შეუწყობენ და გვერდში დაუდგებიან. მათი თქმით, ქალაქის პირველმა პირმა წინასაარჩევნოდ დადებული დაპირებები უნდა შეასრულოს. საკრებულოს წევრები ფიქრობენ, რომ პირველ დღეებში ახალდანიშულ მერს საკმოდ ბევრი მოქალაქის მიღება მოუწევს.




[თამუნა უჩიძე, ახალციხე]