კონკურენტი ქვისლი და პირველივე ტურში გამარჯვების მოლოდინი

„ქართული ოცნების“ კანდიდატი ახალციხე–ადიგენის საარჩევნო ოლქში, გიორგი კოპაძე, ამომრჩევლებს დღეს, 7 აგვისტოს, პარტიის თავმჯდომარემ გიორგი კვირიკაშვილმა წარუდგინა./

„ჩემი გეგმებია ის, რომ თითოეული ადამიანისთვის ჩვენ ვიმუშაოთ პარლამენტში წარმატებულად, მანამდე კი მოვიგოთ არჩევნები სუფთად, წერისერი გზებით“, ვიქნები ხალხის გვერდით, ჩემი კაბინეტის და სახლის კარი ღია იქნება მათი პრობლემებისთვის“, – განაცხადა გიორგი კოპაძემ.

ახალციხის მერი ამბობს, რომ გამარჯვების დიდი იმედი აქვს, რადგან მის გვერდით ხალხი დგას.

„მოლოდინი მაქვს პირველივე ტურში გავიმარჯვებთ, კარგ შედეგს ვაჩვენებთ, იმიტომ, რომ ხალხი არის ჩვენს გვერიდთ. ჩემი თანამდებობის გამო ძალიან ხშირად მიწევს ხალხთან შეხვედრა და ადამიანები კმაყოფლები არიან იმით, რასაც ჩვენ ვაკეთებთ“, – ამბობს გიროგი კოპაძე.

რაც შეეხება კონკურენტებს, გიორგი კოპაძე ამბობს, რომ მათ ჯანსაღ შეჯიბრში იწვევს: „შევეჯიბროთ და ვაჩვენოთ ხალხს, ვინც უკეთესი იქნება, ის გაიმარჯვებს“.

შეგახსენებთ, რომ ამ დრომდე სამცხე–ჯავახეთში მაჟორიტარობის კანდიდატები მხოლოდ „ერთიან ნაციონალურ მოძრაობას“ ჰყავს დასახელებული. გიორგი კოპაძის კონკურენტი „ნაციონალური მოძრაობიდან“ ვაჟა ჩიტაშვილია. გარდა ამისა, ამავე ოლქში, მაჟორიტარობის კანდიდატად მოიაზრება გოდერში კუბლაშვილი, იგი არჩევნებში ძალების მოსინჯვას "პატრიოტთა ალიანსიდან" აპირებს. აღსანიშნავია, რომ გოდერძი კუბლაშვილი გიორგი კოპაძის ქვისლია – მათ დები ჰყავთ ცოლებად.

[თინათინ ზაზაძე, ახალციხე]