„ევროპული საქართველოს“ ახალციხის მერობის კანდიდატი ვაჟა ჩიტაშვილია

ვაჟა ჩიტაშვილს ახალციხის მუნიციპალიტეტის მერობის კანდიდატად პარტიის ლიდერები დავით ბაქრაძე და გიგი უგულავა წარადგენენ.
„ალბათ აქვს პარტიას ჩემი იმედი და არჩევანი ჩემზე იმიტომ გააკეთეს“, – აცხადებს ჩიტაშვილი.

იგი დარწმუნებულია, რომ არჩევნებში გაიმარჯვებს: „არასდროს დავმარცხებულვარ არჩევნებში და არც ახლა დავმარცხდები. თან ამ პოზიციაზე ნამუშევარი მაქვს და ვფიქრობ ხალხი მიცნობს“.

გამარჯვების შემთხვევაში კი ჩიტაშვილი ქალაქში პირველ რიგში ტურისტული ინფრასტრუქტურის მოწყობას, სოფელში კი მელიორაციის ქსელის მოწესრიგებას აპირებს: „დასაქმება ყბადაღებული თემაა. ეს მთავარი პრობლემაა. ვეცდები ამ მიმართულებითაც შევცვალო რამე“.

ჩიტაშვილი ფიქრობს, რომ მისთივს ყველა პარტიის მიერ დასახელებული კანდიდატი კონკურენტი იქნება: „ყველა პარტიის წარმომადგენელი კონკურენტად მიმაჩნია, ვერავის დავაკნინებ“.

ვაჟა ჩიტაშვილი 2016 წლის საპარლამენტო არჩევნებზე „ნაციონალური მოძრაობიდან“ ახალციხე–ადიგენის მაჯორიტარ დეპუტატად იყრიდა კენჭს. მან პირველი ტური მოიგო. ჩიტაშვილმა ხმების 44,07% დააგროვა. მეორე ტურში კი დამარცხდა, ამჯერად მას ხმების 30,17% ერგო.

ვაჟა ჩიტაშვილი 1963 წელს ვალეში დაიბადა 2004–12 წლებში სამცხე–ჯავახეთის საოლქო პროკურატურაში სხვასხვა თანამდებობებზე მუშაობდა. 2008 წელს რამდენიმე თვის განმავლობაში იყო ახალციხის მუნიციპალიტეტის გამგებელი. 2012–2016 წლებში იყო ახალციხის მაჟორიტარი დეპუტატის საქართველოს პარლამენტში პარტია „ერთიანი ნაციონალური მოძრაობიდან“.

[თამუნა უჩიძე, ახალციხე]