ახალციხე–ადიგენში მაჟორიტარული არჩევნები გიორგი კოპაძემ მოიგო

N44–ე ოლქის 53 უბნიდან გიორგი კოპაძემ 51 უბანზე ამომრჩევლის ხმათა უმეტესობა მიიღო, ვაჟა ჩიტაშვილის უპირატესობით არჩევნების მეორე ტური მხოლოდ ორ, ვალის N9 და N33 უბნებზე დასრულდა.

უფრო კონკრეტულად, ახალციხის 35 უბნიდან, გიორგი კოპაძემ 33, ვაჟა ჩიტაშვილმა კი 2 უბანი მოიგო; ადიგენის 18 უბნიდან კი 18–ვე უბანზე არჩევნები გიორგი კოპაძის უპირატესობით დასრულდა.

განსხვავებული იყო შედეგები საპარლამენტო არჩევნების პირველ ტურში. შეიძლება ითქვას, რომ პირველ ტურში ახალციხე ვაჟა ჩიტაშვილმა, ადიგენი კი გიორგი კოპაძემ მოიგო. კერძოდ, ახალციხის 35 უბნიდან 26–ში ვაჟა ჩიტაშვილი, 9–ში კი გიორგი კოპაძე ლიდერობდა; რაც შეეხება ადიგენს, აქ ჩიტაშვილს მხოლოდ 6, კოპაძეს კი 12 უბანი ჰქონდა მოგებული.

მაჟორიტარული არჩევნების მეორე ტურისთვის N44–ე ოლქში, 50272 ამომრჩეველი იყო რეგისტრირებული. ცესკოს ინფორმაციით, 30 ოქტომბერს, საარჩევნო უბნებზე, 56.27%, 28288 ამომრჩეველი მივიდა. პირველ ტურში ამომრჩეველთა აქტივობა 59.53% იყო.

[sknews.ge]