გიორგი კოპაძე კარდაკარ სიარულს იწყებს

10 ივნისს, ახალციხის მერობის კანდიდატი, კოალიცია „ქართული ოცნებიდან“, გიორგი კოპაძე და მაჟორიტარობის კანდიდატი გელა პეტაშვილი, რუსთაველის ქუჩის N88–ში მცხოვრებ დებს: ასია და ევგენია გევორქიანებს ესტუმრნენ.

„ამ ადამიანებს გარეთ გამოსვლა უჭირთ, რის გამოც ჩვენს შეხვედრებს ვერ ესწრებიან, ამიტომ გადავწყვიტეთ, მათთან ჩვენ მოვსულიყავით“,– ამბობს მაჟორიტარობის კანდიდატი გელა პეტაშვილი.

გიორგი კოპაძე ამბობს, რომ გამარჯვების შემთხვევაში იმპრობლემების მოგვარებაზე იზრუნებს, რაც მათ ასია და ევგენია გევორქიანებმა დაუსახელეს.
„როგორც მათ გვითხრეს და ჩვენც ვნახეთ, მათი საცხოვრებელი სახლის კიბე ავარიულ მდგომარეობაშია. გარდა ამისა, ესაჭიროებათ სახურავის გამოცვლა. ვპირდები, რომ გამარჯვების შემთხვევაში ეს პრობლემები აღარ ექნებათ“, – ამბობს გიორგი კოპაძე.

ასია გევორქიანი ამბობს, რომ პრობლემების მოგვარებას წლებია ადგილობრივ ხელისუფლებას სთხოვს, თუმცა, უშედეგოდ: „მუნიციპალიტეტის თითქმის ყველა გამგებელს მივმართე განცხადებით, თუმცა ამ დრომდე არავინ მოსულა და არ დაინტერესებულა. ახლა კი იმედი გამიჩნდა“.

„ქართული ოცნების“ წარმომადგენლები ამბობენ, რომ არჩევნებამდე დარჩენილ 4 დღეში, ყველა იმ ოჯახში მივლენ, ვინც მათთან შეხვედრაზე მისვლა თავად ვერ შეძლო. (R)



[მანანა სარაშვილი, ახალციხე]