გიორგი კოპაძე: 'ჩვენ ყველამ ერთად გავიმარჯვეთ!'

"მადლობას გიხდით თითოეულ თქვენგანს თანადგომისა და მხარდაჭერისთვის! თქვენს მიერ გამოცხადებული ეს დიდი ნდობა მაძლევს დიდ სტიმულს და უდიდეს რწმენას, რომ თქვენ ჩვენი გჯერათ. ყველანი ერთად კი შევძლებთ უკეთესი მომავლის შექმნას. ასევე მინდა, დიდი სიყვარული და პატივისცემა გამოვხატო ჩვენი აქტივის, იმ ადამიანების მიმართ, რომლებმაც დრო და ენერგია არ დაიშურეს, 24 საათიან რეჟიმში იმუშავეს და გააკეთეს მაქსიმუმი ქვეყნის მომავლისთვის. ამიერიდან ჩვენ ერთად ვიზრუნებთ ახალციხისა და ადიგენის განვითარებითვის!
ჩვენ ყველამ ერთად გავიმარჯვეთ!", – ნათქვამია განცხადებაში, რომელიც გიორგი კოპაძის ფეისბუქის გვერდზე გავრცელდა.

შეგახსენებთ, N44 ახალციხე–ადიგენის ოლქში საპარლამენტო არჩევნები "ქართული ოცნების" კანდიდატმა გიორგი კოპაძემ მოიგო. ცესკოს წინასწარი მონაცემებით, გიორგი კოპაძემ მიიღო ხმების 70,21% (18,712 ხმა), ირაკლი ერეკლიშვილმა კი – 29,79% (7941 ხმა).

[sknews.ge]