”ერთსულოვნება საზოგადოების უფლებებისათვის” ასპინძაში დღეს აქციას გამართავს

”ავრცელებენ ინფორმაციას, თითქოს კარავი მათ [”ნაციონალების”] მიერ არის დადგმული და ამოწმებენ ვინ მოაწერს ხელს, - განმარტავს ორგანიზაცია ”ერთსულოვნება საზოგადოების უფლებებისათვის” თავმჯდომარე მიხეილ ანდღულაძე და ამატებს, რომ დღეს დაგეგმილია მათთან შეხვედრები, სიტუაციის გასარკვევად, - პირადად მათ შევხვდებით და დავაფიქსირებთ იმას, რომ ხალხის ნება გარდაუვალია და გონს მოეგონ”.

არასამთავრობო ორგანიზაციამ ”ერთსულოვნება საზოგადოების უფლებებისათვის” აქციები მთელი საქართველოს მასშტაბით19 დეკემბერს დაიწყო. პირველი აქცია ქუთაისში გაიმართა,საპარლამენტო ქალაქისკენ კოლონა სამცხე-ჯავახეთის ექვსივე მუნიციპალიტეტიდან გავიდა. საქართველოს პრეზიდენტის გადადგომის მოთხოვნით ორგანიზაციამ აქციები დასავლეთ საქართველოს რამდენიმე ქალაქში უკვე გამართა

”ერთი კვირის განმავლობაში ქუთაისი, მარტვილი, სამტრედია, ზუგდიდი, ფოთი, ოზურგეთი და ბათუმი მოვიარეთ. ბათუმში სერიოზული დამაგვირგვინებელი აქცია მოვაწყეთ”, - განმარტავს მიხეილ ანდღულაძე.

შეგახსენებთ, რომ საქართველოს პრეზიდენტის მიხეილ სააკაშვილის გადადგომის მოთხოვნით არასამთავრობო ორგანიზაცია ”ერთსულოვნება საზოგადოების უფლებებისათვის” ხელმოწერებს თვეზე მეტია აგროვებს. პირველი კარავი მათ ახალციხეში დადგეს.14 დეკემბერს კარავი ასპინძაშიც დასცეს.

დასკვნითი აქციის გამართვას 4 იანვარს, 13 საათზე, საქართველოს პრეზიდენტის მიხეილ სააკაშვილის რეზიდენციასთან გეგმავენ. პარალელურად, აქციები გაიმართება საქართველოს ყველა რეგიონში. ანდღულაძის თქმით, ”ქართველი ერი დააფიქსირებს თავის ნებას, რომელიც დადასტურებული იქნება ხელმოწერებით”.

[თამარ თოთაძე, ახალციხე]