პრეზიდენტის გადადგომის მოთხოვნით ხელმოწერები ახალციხეშიც გროვდება

ხელმოწერები რეგიონის მასშტაბით ექვსივე მუნიციპალიტეტში შეგროვდება. თითო მუნიციპალიტეტში ამისათვის ოთხი კაცი დაკავდება, რომლებიც თითო სოფელში ორ-ორ წარმომადგენელს გაუწევენ კოორდიინირებას.

ხელმოწერების შეგროვებაში ”კოალიცია ქართული” ოცნების წევრებიც ერთვებიან. მათმა ნაწილმა მუშაობა უკვე დაიწყო.

”თითქმის ყველა თანახმაა. უბრალოდ, როცა ეუბნები, რომ მისი პირადი ნომერი უნდა მიუთითო, ფრთხილობენ, ჯერ ისევ წინა ხელისუფლების შიში აქვთ”, - ამბობს კოალიცია ”ქართული ოცნების” წევრი ნანა გელაშვილი.

ხელმოწერისას სახელი, გვარი, პირადი ნომერი და ტელეფონის ნომერი ფიქსირდება.

[თამუნა უჩიძე, ახალციხე]