ახალციხის საავადმყოფოდან მედპერსონალი გაათავისუფლეს [Video]

საავადმყოფოს ახალმა ფლობელმა „ჩემი ოჯახის კლინიკა“, რომელიც „ალდაგი ბი სი აის“ შვილობილი კომპანიაა, 11 მედდა , 2 თერაპიული და 2 პედიატრიული განყოფილების ექიმი სამსახურიდან გაუშვა. ჯერ მედდებს ხელფასი 22 ლარი გაუხადა, შემდეგ კი სამსახურიდან გათავისულფების შესახებაც აცნობა.

- „მენეჯერთან გავაპროტესტეთ ხელფასის რაოდენობა და სწორედ ამ დროს მოვიდა ელექტრონული ფოსტით ბრძანება ჩვენი გათავისუფლების შესახებ“, - ამბობს ნაზი პანიატოვსკი.


მედდა მარინა ადანაია.

მედპერსონალი აცხადებს, რომ ქალაქი პირველადი ჯანდაცვის გარეშე დარჩა.

„პირველადი პრევენციაო იძახიან და დატოვეს ქალაქი პირველადი ჯანდაცვის გარეშე. ვინ მოემსახურება 0-დან 5 წლამდე ბავშვებს?! 60 წლის ზემოთ ხალხს?! ამდენი წელი თუ საჭირო ვიყავით ეხლა აღარ ვართ საჭირო?!“ - კითხულობს მედდა მარინა ადანაია, რომელიც ბავშვთა განყოფილებაში 30 წელი მუშაობდა.

მედ-პერსონალი ფიქრობს, რომ ასეთ ფონს ყოფილი ხელისუფლება ამჟამინდელ მმარვებლობას შეგნებულად უქმნის, რადგან ცდილობს ახალ ხელისუფლებას მეტი უკმაყოფილო ადამიანი გაუჩინოს. თუმცა მედდები ამბობენს, რომ აქ დღევანდელი მმართველობა არაფერ შუაშია, რადგან „ალდაგი ბი სი აი“, ახალციხეში შემოსვლას აგვისტოდან გეგმავდა. ეს კი არჩევნებმადე იმიტომ არ განახორციელეს, რომ ამით „ნაციონალურ მოძრაობას“ საარჩევნოდ განაწყენებული ადამიანების რიცხვი დააკლეს.

საავადმყოფოს ახალ მფლობელობაში გადასვლის შემდეგ ჯერ მხოლოდ ყოფილი პოლიკლინიკის თანამშრომლები გაათავისუფლეს. დარჩენილ ექიმებს კი ხელფასები მნიშვნელოვნად შეუმცირეს.

"უნიმედი სამცხეს" ახალციხის სამდიცინო ცენტრის მენეჯერი დავით მაისურაძე განმარტავს, რომ დღეს ის ექიმები გაათავისუფლეს, რომლებიც სოფლის ექიმის მოვალეობას ასრულებდნენ. ასევე, გათავისუფლდა ათი უბნის ექიტანიც, რადგან აღარ არსებობს პროგრამა, რომელიც 0-დან 6-წლამდე ასაკის ბავშვებისა და 60 წელს ზემოთ ხალხის მომსახურებას ითვალიწინებდა: "აღნიშნული პროგრამა აღარ არსებობს, მოხდა მათი დაზღვევა. სადაზღვევო კომპანიას დადებული აქვს "ჩვენი ოჯახის კლინიკასთან" ხელშეკრულება, რომლის საფუძველზეც, "ჩემი ოჯახის კლინიკა", რომელიც ფლობს და ოპენირებს აღნიშნული დაწესებულებით, ემსახურება ამ ბენეფიციარებს".

მედ-პერსონალის სამსახურიდან გათავისუფლების შესახებ ვრცელ მასალას „სამხრეთის კარიბჭე“ მოგვიანებით შემოგთავაზებთ.


[თამუნა უჩიძე, ახალციხე]