ახალციხის მუნიციპალიტეტის საკრებულოს დეპუტატი თვითიზოლაციაში იმყოფება

„რამდენმე დღის წინ შევხვდი ხელი ჩამოვართვი, ვიცოდი, რომ სომხეთიდან ახალი ჩამოსული იყო და შემდეგ სპირტით დავიმუშავე, არ უთქვამთ, რომ კარანტნში გადაყვანაა საჭირო, ამიტომ თვითზიოლაციაში ვარ“,- აცხადებს ოვეიანი.

მისგან განსხვავებით, კარანტინში გადაიყვანეს ენმ–ს ახალციხის რაიონული ორგანიზაციის წარმომადგენლები, გელა დემეტრაძე ამბობს, რომ თვითიზოლაცია მათთვის არ შეუთავაზებიათ: „მსგავსი შეხვედრა გვქონდა ინფიცირებულთან, მაგრამ ჩვენ გვითხრეს კარანტინში უნდა განგათავსოთო და წაგვიყვანეს“.

„სამხრეთის კარიბჭეს“ უთხრეს, რომ თვითიზოლაციაში საკრებულოს კიდევ ერთი, წევრი კობა გელაშვილი იმყოფება, თუმცა მან ჩვენს კითხვებს არ უპასუხა, „სასაუბროდ დრო არ აქვს“.

შეგახსნებთ, რომ პირი, რომელიც სომხეთდან შემოვიდა და ახალციხეში ორი დღის განმავლობაში იმყოფებოდა, კორონავირუსი დაუდასტურდა. გავრცელებული ინფორმაციით, მან ამის შესახებ ქვეყნის დატოვების შემდეგ, სომხეთის საზღვარზე შეიტყო.

ორი დღის განმავლობაში, იგი ათობით ადამიანს შეხვდა, გადაიხადა დედის ქელეხი და უკან, სომხეთში წავიდა. მისი ინფიცირების შესახებ მედიკოსებისთვის, გუშინ, 18 სექტემბერს გახდა ცნობილი, კონტაქტში მყოფი პირები კარანტინსა და თვითიზოლაციაში გადაიყვანეს, ასევე გაუკეთეს ტესტირებაც.

რესტორანი სადაც ქელეხის სუფრა გაშალეს, პოლიციამ დააჯარიმა. ამ დრომდე დაკეტილია სილამაზის სალონი, სადაც ინფიცირებული იმყოფებოდა.

[მარიამ ბარძიმაძე]