ახალციხეში კორონავირუსით ინფიცირებულთან კონტაქტში მყოფმა პირებმა საკარანტინო სივრცე დატოვეს

"პასუხები უარყოფითია, კორონავირუსი არცერთ ჩვენგანს დაუფიქსირდა, გუშინ ღამე ყველამ დავტოვეთ საკარანტინო სივრცე", – აცხადებს ბაკურიანში საკარანტინო სივრცეში მოთავსებული ერთ–ერთი მოქალაქე.

შეგახსნებთ, რომ პირი, რომელიც სომხეთდან შემოვიდა და ახალციხეში ორი დღის განმავლობაში იმყოფებოდა, კორონავირუსი დაუდასტურდა. მისი ინფიცირების შესახებ მედიკოსებისთვის, 18 სექტემბერს გახდა ცნობილი, კონტაქტში მყოფი პირები კარანტინსა და თვითიზოლაციაში იყვნენ მოთავსებულნი.

სამცხე–ჯავახეთის მასშტაბით, ამ ეტაპზე კორონავირუსი ადიგენსა და ასპინძაში ფიქსირდება. COVID-19–ია ადიგენის სამ სოფელში: ჭეჭლაში, უდესა და გომაროში. ასპინძაში კი მხოლოდ სოფელ რუსთავშია. ინფექცია დასახლებაში დღეს, 27 სექტემბერს გამოვლინდა.

სულ რეგიონში 12 ინფიცირებულია.

[რიმა სარუხანიან]