ახალციხეში COVID-19–ზე აღებული ტესტების პასუხები ცნობილია

"პასუხი უარყოფითია, მაგრამ ჯერ არ გვიშვებენ სახლში, გვითხრეს განმეორებითი ტესტირებაა საჭირო", – აცხადებს ბაკურიანში საკარანტინო სივრცეში მოთავსებული ერთ–ერთი მოქალაქე.

მისი თქმით, ამ ეტაპზე 40 მოქალაქის ტესტის პასუხია ცნობილი, ორისას კი ელოდებიან.

შეგახსნებთ, რომ პირი, რომელიც სომხეთდან შემოვიდა და ახალციხეში ორი დღის განმავლობაში იმყოფებოდა, კორონავირუსი დაუდასტურდა. გავრცელებული ინფორმაციით, მან ამის შესახებ ქვეყნის დატოვების შემდეგ, სომხეთის საზღვარზე შეიტყო.

ორი დღის განმავლობაში, იგი ათობით ადამიანს შეხვდა, გადაიხადა დედის ქელეხი. მისი ინფიცირების შესახებ მედიკოსებისთვის, გუშინ, 18 სექტემბერს გახდა ცნობილი, კონტაქტში მყოფი პირები კარანტინსა და თვითიზოლაციაში გადაიყვანეს, ასევე გაუკეთეს ტესტირებაც.

რესტორანი სადაც ქელეხის სუფრა გაშალეს, პოლიციამ დააჯარიმა. ამ დრომდე დაკეტილია სილამაზის სალონი, სადაც ინფიცირებული იმყოფებოდა.

[sknews.ge]