კოვიდინფიცირებულთან კონტაქტში მყოფი 54 პირის ტესტების პასუხები უარყოფითია

სამცხე–ჯავახეთში სახელმწიფო რწმუნებულის აპარატის ხელმძღვანელის, გიორგი მიქელაძის განცხადებით, სომეხ ბინზესმენთან კონტაქტში მყოფი 58 მოქალაქედან 54–ს ინფექცია არ აღმოაჩნდა, ამ დრომდე უცნობია ერთი პირის ანალიზის პასუხი, იგი საქართველოს მოქალაქე არ არის.

"როგორც ვიცი არც მას დაუდასტუდა კორონავირუსი, თუმცა ოფიციალური ინფორმაცია არ მაქვს", – ამბობს გიორგი მიქელაძე.

რაც შეეხება სამს, მათი პასუხები ხვალ, 21 სექტემბერს იქნება ცნობილი.

შეგახსნებთ, რომ პირი, რომელიც სომხეთდან შემოვიდა და ახალციხეში ორი დღის განმავლობაში იმყოფებოდა, კორონავირუსი დაუდასტურდა. გავრცელებული ინფორმაციით, მან ამის შესახებ ქვეყნის დატოვების შემდეგ, სომხეთის საზღვარზე გაკეთებული ტესტის შედეგად შეიტყო.

ორი დღის განმავლობაში იგი ახალციხეში ათობით ადამიანს შეხვდა, გადაიხადა დედის ქელეხი. მისი ინფიცირების შესახებ მედიკოსებისთვის 18 სექტემბერს გახდა ცნობილი, კონტაქტში მყოფი პირები კარანტინსა და თვითიზოლაციაში გადაიყვანეს.

რესტორანი სადაც ქელეხის სუფრა გაშალეს, პოლიციამ დააჯარიმა. დაკეტილია სილამაზის სალონიც, სადაც ინფიცირებული სტუმრად იმყოფებოდა.

[sknews.ge]