ენმ-ს ახალციხის ორგანიზაციის თავმჯდომარე და პარტიის წევრი კარანტინში გადაიყვანეს

„13 სექტემბერს შევხვდი ქალაქში, ქელეხში არ ვყოფილვარ, თავს კარგად ვგრძნობ. ამ პერიოდში პოლიტიკური აქტივობა სოფლებში არ მქონია“,- ამბობს დემეტრაძე.

დემეტრაძემ უარყო, თუმცა პარტიაში გვითხრეს, რომ მიმდინარე კვირაში, მას ახალციხის რამდენიმე სოფელის მოსახლეობასთან ჰქონდა შეხვედრა და ფლაერებიც დაარიგა.

ბაკურიანის საკარანტინო სივრცეში გელა დემეტრაძესთან ერთად, დავით ბალიაშვილიც იმყოფება, დაინფიცირებულთან კონტაქტი მასაც ჰქონდა.

ორივეს ტესტირების პასუხი ცნობილი დღეს, 19 სექტემბერს გახდება. შტაბი ამ დროისთვის დაკეტილია.

შეგახსენებთ, რომ ახალციხეში კორონავირუსით ინფიცირებული პირის შემოსვლის შესახებ ინფორმაცია გუშინ, 18 სექტემბერს გავრცელდა.

ს.ა სომხეთიდან ახალციხეში, 13 სექტემბერს, დედის დაკრძალვაზე ჩამოვიდა, მისი კორონავირუსით ინფიცირების შესახებ მოგვიანებით გახდა ცნობილი, როცა ს.ა–მ საქართველოს საზღვარი დატოვა და სოხეთში დაბრუნდა. სავარაუდოდ, მას COVID–19 სომხეთის საზღვარზე აღებული ტესტის მიხედვით აღმოაჩნდა.

ადგილობრივების განცხადებით, ს.ა–მ გარდაცვლილი დედა სომხეთიდან ჩამოასვენა, ამ ეტაპზე ჩვენთვის უცნობია, ჰქონდა თუ არა კორონავირუსი დედამისსაც. გასვენებას სადაც ინიფიცრებული იმყოფებოდა, 150–მდე ადამიანი ესწრებოდა. რესტორანში ავცადებენ, რომ ქელეხის სუფრა მხოლოდ 10 ადამიანისთვის გაიშალა. საზოგადოებრივი ჯანდაცვის ცენტრის რეკომენდაციით, აღნიშნული რესტორანი და ერთი სილამაზის სალონი დაიკეტა.

საზოგადოებრივი ჯანდაცვის ცენტრის თანამშრომლებმა კონტაქტში მყოფი პირები საკარანტო სივრცეებში გადაიყვანეს, მანამდე კი ტესტირება გაუკეთეს. ანალიზების პასუხები სავარაუდოდ დღეს, 19 სექტემბერს გახდება ცნობილი.

ამ ეტაპზე უცნობია რამდენ პირია გადაყვანილი საკარანტინო სივრცეებში.

[მარია ბარძიმაძე]