ინფიცირებულმა დედის ქელეხი ახალციხის ერთ-ერთ რესტორანში გადაიხადა

როგორც „სამხრეთის კარიბჭესთან“ ადგილობრივები აცხადებენ, კვირას, 13 სექტემბერს, ქელეხზე ყველა ახლობელი არ წასულა. სუფრა მხოლოდ თბილისიდან და ახალქალაქიდან ჩამოსული სტუმრებისთვის გაიშალა. „15 კაცი ჰყავდა ჩამოყვანილი თბილისიდან და ახალქალაქიდან, ესენი წავიდნენ რესტორანში. დანარჩენები, სასაფლაოსთან, პატარა ფაცხა იყო და იქ იყვნენ“, - ამბობს ერთ-ერთი გასვენებაში მყოფი პირი.

„სამხრეთის კარიბჭე“ იმ რესტორანს დაუკავშირდა, სადაც ქელეხის სუფრა იყო გაშლილი: „კი, ჩვენთან იყო გასვენება. 10 კაცზე იყო სულ გაშლილი მაგიდა და აქედან ექვსი იჯდა დარბაზში, დისტანციის დაცვით. ცალკე იყო კიდევ ოთხკაციანი მაგიდა გაშლილი და იქ არავინ მოვიდა.

ამის გარდა, ღია სივრცეში, ეზოში 10 კაცი იჯდა. სულ 15–20 წუთი ისხდნენ ადგნენ და წავიდნენ“, - ამბობს რესტორანის მენეჯერი.

მისივე თქმით, რესტორანში დღეს ეპიდემიოლოგები იყვნენ და ტესტირებასთან დაკავშირებით, რეკომენდაციები მისცეს: „დღეს მოვიდნენ, ტესტირება ჩაიტარეთო და გამოგვკითხეს, როგორ იყო, რა მოხდა. ჩვენ, თანამშრომლებს შეხება არავისთან გვქონია. შემოვიდნენ რესტორანში დასხდენენ ცოტახნით და წავიდნენ ეგრევე“.

მენეჯერის თქმით, ახლა რესტორანი დახურულია.

გასვენებაში მყოფი კაცის კოვიდით ინფიცირების შესახებ ახალციხელი ეპიდემიოლოგებისთვის ცნობილი დღეს, 18 სექტმებრს გახდა. მაშ შემდეგ, რაც კოვიდინფიცირებულმა საქართველოს საზღვარი დატოვადა სოხეთში დაბრუნდა.

ამ ეტაპზე, იმ პირთა ტესტირება მიმდინარეობს, რომლებიც ამავე გასვენებაში იმყოფებოდნენ.

[თაკო ფეიქრიშვილი, ნუკა სტეფნაძე]