პირველ საუნივერსიტეტო კლინიკაში 55–დან 33 პაციენტს მწვავე პნევმონია აქვს

„გვყავს სამი მოზარდი, მათი მდგომარეობა ამ ეტაპამდე სტაბილურია, არანაირ სიმპტომურ ჩარევას არ საჭიროებს. ასევე გვყავს ორი ორსული, ერთი არის 24 კვირის და როგორც ნაყოფის, ასევე დედის მდგომარეობა სტაბილურია და შეესაბამება ფიზიოლოგიურ პარამეტრებს. ასევე სტაბილურია ცხრა კვირის ორსული ქალის მდგომარეობა. ჯამში გვყავს 55 პაციენტი, აქედან 33 - ფილტვის ხელოვნური ვენტილაციით, მწვავე პნევმონიით და მკურნალობა გრძელდება სახელმწიფო პროტოკოლის და ჩვენი პროტოკოლის მიხედვით, ასევე დღეს უარყოფითი დასკვნა მოვიდა 2 პაციენტზე და ისინი დატოვებენ კლინიკა“, - ამბობს რატიანი.

10 აპრილის, 12:50 საათის მონაცემებით საქართველოში, COVID 19–ით ინფიცირების 230 დადასტურებული შემთხვევა ფიქსირდება. მათგან სამი პაციენტი გარდაიცვალა, 54 კი გამოჯანმრთელდა. ამ დრომდე კარანტინის რეჟიმში რჩება 4 908 ადამიანი, სტაციონარში მეთვალყურეობის ქვეშ — 429.

დღევანდელი მონაცემებით, ინფიცირებული პაციენტებიდან 52 თბილისის ინფექციურ საავადმყოფოში მკურნალობს, აქედან შვიდის მდგომარეობა მძიმეა.

ქვეყანაში COVID 19–ის პირველი შემთხვევა 2020 წლის 26 თებერვალს დაფიქსირდა.

[sknews.ge]