თბილისის ინფექციურ საავადმყოფოში ორი მძიმე პაციენტიდან ერთის მდგომარეობა დასტაბილურდა

“ამ დროის მონაცემებით არის 227 დადასტურებული შემთხვევა, აქედან გამოჯანმრთელებულია 52, მათ შორის ჩვენი პაციენტი 38-ია, გუშინ ერთი გამოჯანმრთელებული დაგვემატა. რაც შეეხება მძიმე პაციენტებს, შვიდი მძიმე პაციენტზე ვლაპარაკობ ბოლო რამდენიმე დღეა. ერთი პაციენტი განსაკუთრებით მძიმედან უკვე სტაბილურია სამი დღის განმავლობაში და შეგვიძლია ვთქვათ, რომ ის უკვე განსაკუთრებით მძიმე არ არის. მასთან უკვე ალბათ დაიწყება მონიტორინგი ყველა მაჩვენებლის შეფასებით და pcr ტესტირების მონიტორინგითაც”, - განაცხადა ეზუგბაიამ.

10 აპრილის 11:15 საათის მონაცემებით, საქართველოში კორონავირუსით ინფიცირების 227 შემთხვევაა დაფიქსირებული. მათგან სამი პაციენტი გარდაიცვალა, 52 კი გამოჯანმრთელდა. ამ დრომდე კარანტინის რეჟიმში რჩება 4 829 ადამიანი, სტაციონარში მეთვალყურეობის ქვეშ — 410.

[sknews.ge]