COVID 19–ით ინფიცირებული 2 ორსულის და 13 წლის ბავშვის მდგომარეობა სტაბილურია

კლინიკის დირექტორის ლევან რატიანის განცხადებით, პაციენტების ნაწილი კრიტიკული მედიცინის დეპარტამენში, ნაწილი კი ინტენსიური თერაპიის განყოფილებაში მკურნალობენ.

„კოვიდინფიცირებული 41 პაციენტიდან რეანიმაციულ განყოფილებაში ხუთია, აპატარზე სამი. ამ ეტაპზე ერთი პაციენტი გვრჩება უკიდურესად მძიმე თერმო დინამიკით და პოლიორგანული უკმარისობით. დანარჩენი პაციენტების მდგომარეობა ამ ეტაპამდე სტაბილურია, მაგრამ ნარჩუნდება ვიტალური ფუნქციები“, – განაცხადა ლევან რატიანმა.

მისი თქმით, კლინიკაში კორონავირუსით ინფიცირებული ორი ორსული და ერთი 13 წლის ბავშვი მკურნალობს.

„ორსული რომელიც არის 23 კვირის, მისი დმგომარეობა სტაბილურია, ასევე სტაბილურია მისი ნაყოფის მდგომარეობაც. ბოლო 48 საათია ცხელება არ დაფიქსირებულა. რაც შეეხება 19 წლის გოგოს, რომელიც არის 8 კვირის ორსული, მისი და ნაყოფის მდგომარეობა ამ ეტაპზე ფასდება სტაბილურად. ასევე ჩვენს კლინიკაში არის ერთი 13 წლის ბავშვი, მასთან გამოხატულია მხოლოდ ზედა სასუნთქი გზების კატარალური მოვლენების კლინიკური სურათი, ამ ეტაპამდე დამძიმების კლინიკური ნიშნები არ ვლიდება. რაც შეეხება სხვა პაციენტების მდგომარეობას, ჩატარებული მკურნალობის შედეგად აღნიშნულ პაციენტებთან ამ ეტაპამდე, რომლებიც წვანან ინტენსიური თერაპიის განყოფილებაში მათი დგომაროება ფასდება სტაბილურად“, – განმარტა რატიანმა.

ხუთი აპრილის 12:40 საათის მონაცემებით, კორონავირუსის 170 დადასტურებული შემთხვევაა, მათ შორის გამოჯანმრთელებულია - 36, გარდაცვლილია ორი, კარანტინის რეჟიმში იმყოფება 5 067 ადამიანი, სტაციონარში მეთვალყურეობის ქვეშ კი 330.

[sknews.ge]