თბილისის ინფექციურ საავადმყოფოში 11 მოზარდიდან 5 გამოჯანმრთელდა

დღეს, რვა მაისს გამოჯანმრთელებული 13 პაციენტიდან, სამი ინფექციური კლინიკდან არის.

„დარჩენილი პაციენტებიდან გვყავს მსუბუქი და საშუალო სიმძიმის პაციენტები, ჩვენთან მკურნალობდა 11 მოზარდი, აქედან ხუთმა უკვე დატოვა კლინიკა, გამოჯანმრთელდა. ამ ეტაპზე გვრჩება ექვსი მოზარდი, რომელიც მკურნალობას აგრძელებს და მათი მდგომარეობა დამაკმაყოფილებელია", – განაცხადა მარინა ეზუგბაიამ.

მისი თქმით, კლინკიაში ერთი კრიტიკული პაციენტი ჰყავთ, კიდევ ერთ პაციენტს კი მძიმე პნევმონია აქვს.

თბილისის ინფექციურ საავადმყოფოში დღეის მონაცემებით სულ 82 პაციენტი გამოჯანმრთელდა.

საქართველოში კორონავირუსით ინფიცირების 623 შემთხვევაა გამოვლენილი, აქედან 288 გამოჯანმრთელდა, ხოლო ცხრა გარდაიცვალა. კარანტინის რეჟიმში 4 702 პირი რჩება, სტაციონალური მეთვალყურეობის ქვეშ კი 459.

[ნუკა სტეფნაძე]