ინფექციურ საავადმყოფოში COVID 19-ით 70 წელს გადაცილებული 2 პაციენტი შეიყვანეს

„ჩვენს კლინიკას დაემატა ორი ახალი პაციენტი, რომელთა წყარო ეროვნული ბანკს უკავშირდება. ორივე პაციენტი გახლავთ 70 წელს გადაცილებული. ერთ–ერთ მათგანს აქვს შაქრიანი დიაბეტი, ანუ ორმაგი რისკი აქვს, ხოლო მეორეს მხოლოდ ასაკი. ეს პციენტები გუშინ დღის მეორე ნახევარში შემოიყვანეს. ახლა გაფართოვებული კვლევები ჩატარდება და ამ კვლევების შედეგებს და სუბიექტურ–ობიექტურ მონაცემების შჯერებით, ხვალ შემიძლია უფრო კარგად აგიხსნათ მათი ზოგადი მდგომარეობა და სიმძიმე,“ – განაცხადა ეზუგბაიამ.

ეზუგბაიას თქმით, მათ კლინიკაში მყოფი ოთხი მძიმე პაციენტიდან ორის მდგომარეობა დასტაბილურდა, ხოლო ორი კვლავ მძიმედ რჩება.

„გვყავდა ოთხი მძიმე პაციენტი, რომელთაგანაც ორი უკვე დასტაბიურდა და ჩვეულებრივ განყოფილებაში არის გადაყვანილი, ამ ეტაპზე ჯერჯერობით ორი გვრჩება კვლავ მძიმე პნევმონიით, თუმცა აქაც უკვე შეიმჩნევა გაუმჯობესება, იმედი მაქვს, რომ მათაც რამდენიმე დღეში ჩვეულებრივ განყოფილებაში გადავიყვანთ“, – ამბობს ეზუგბაია.

საქართველოში რვა აპრილის 11:10 საათის მონაცემებით კორონავირუსის 208 შემთხვევაა დადასტურებული. 46 პაციენტი გამოჯანმრთელდა, სამი გარდაიცვალა. კარანტინის რეჟიმში 4 674 პაციენტი იმყოფება, ხოლო სტაციონალური მეთვალყურეობის ქვეშ 362.

პირველი გარდაცვალების ფაქტი საქართველოში ოთხ აპრილს დაფიქსირდა, მეორე პაციენტი ხუთ აპრილს გარდაიცვალა. გუშინ კი ქვეყანაში მესამე გარდაცვალების ფაქტი დაფიქსირდა .

საქართველოში კორონავირუსის შემთხვევა პირველად 26 თებერვალს გამოვლინდა.

[sknews.ge]