'ორ კრიტიკულ პაციენტთან სტაბილურობა შეიმჩნევა ' - მარინა ეზუგბაია

„ჩვენს ცენტრში მყოფი ხუთი პაციენტიდან, ორის მდგომარეობა ჯერჯერობით კვლავ კრიტიკულია, მაგრამ რაღაც სტაბილიზაციის ელემენტები შეიმჩნევა. ვნახოთ, თუ ასე გაგრძელდება იქნება ძალიან კარგი, ხოლო დანარჩენი სამის შემთხვევაში სტაბილიზაცია მიღებულია უკვე მეორე დღეა, თუ ასე გაგრძელდება კრიტიკული სიიდან ამოვიღებთ და გააგარძელებენ მკურნალობას, როგორც მძიმე პაციენტები და დააკვირდებიან ექიმები,“ – განაცხადა ეზუგბაიამ.

ამ დროისთვის თბილისის ინფექციურ საავადმყოფოში, COVID 19–ით ინფიცირებული 40 პაციენტი მკურნალობს.

საქართველოში სამი აპრილის 11:20 საათის მონაცემებით, კორონავირუსის 148 შემთხვევაა დადასტურებული. 27 პაციენტი უკვე გამოჯანმრთელდა. კარანტინის რეჟიმში 5 392 პაციენტი იმყოფება, ხოლო სტაციონალური მეთვალყურეობის ქვეშ 319.

ქვეყანაში კორონავირუსის შემთხვევა პირველად 26 თებერვალს დაფიქსირდა. ვირუსის გამოვლენიდან თვეზე მეტი გავიდა, ამ ეტაპზე გარდაცვალების ფაქტი არ ფიქსირდება.

[ნუკა სტეფნაძე, ახალციხე]