საქართველოში კორონავირუსით გარდაცვალების მეორე შემთხვევა დაფიქსირდა

აღნიშნულის შესახებ კლინიკის დირექტორმა, ლევან რატიანმა ჟურნალისტებთან ისაუბრა. მისი თქმით, 81 წლის ინიფიცირებული თბილისის ზღვის ჰოსპიტალიდან შეიყვანეს, რომლიც მდგომარეობაც უკიდურესად მძიმე იყო.

"ქალბატონი შემოიყვანეს სამ რიცხვში, მისი მდგომარეობა მიმღებშივე შეფასდა კრიტიკულად. სიცოცხლესთან შეუთავსებელი, ჩატარებული კვლევების მიხედვით გამოვლინდა ორმხრივი მწვავე პნევმონია, მწვავე სეფსისი. გადატანილი ჰქონდა მწვავე ინფარქტი, ასევე ჰქონდა მოციმციმე არითმია და გულის უკმარისობა. მკურნალობის მზინით გადაყვანილ იქნა კრიტიკული მედიცინის დეპარტამენტში. ამ ეტაპისთვის ასეთი პაციენტებისთვის არსებობს მხოლოდ და ხმოლოდ სიმპტომური მკურნალობა და არა პათოგენეზური. მკურნალობა მიმდინარეობდა პროტოკოლების და გაიდლაინების მიხედვით, მაგრამ შედეგი ვერ გამოიღო და სამწუხაროდ დადასტურდა ბიოლოგიური სიკვდილი", – განაცხადა ლევან რატიანმა.

საქართველოში კორონავირუსით გარდაცვალების პირველი ფაქტი გუშინ, ოთხ აპრილს დაფიქსირდა. დაავადებათა კონტროლის ეროვნული ცენტრის დირექტორის, ამირან გამყრელიძის განმარტებით,79 წლის ქალი ქვემო ბოლნისის სოფელ კაპანახჩის კლასტერს მიეკუთვნებოდა. მას კონტაქტი ჰქონდა რუსეთიდან და აზერბაიჯანიდან შემოსულ ადამიანებთან, რომელბიც ერთ-ერთ სარიტუალო სუფრაზე მივიდნენ, შემდეგ კი რელიგიურ დღესასწაულს დაესწრნენ.

[sknews.ge]