საქართველოში კორონავირუსით გარდაცვალების პირველი შემთხვევა დაფიქსირდა

კორონავირუსით ინფიცირებული 79 წლის ქალი კლინიკაში 31 მარტს შეიყვანეს და თანმხლები დაავადებები ჰქონდა.

"ანამნეზში მასთან იყო ბოლო 6 თვის განმავლობაში წონის მკვეთრი დეფიციტი. ჩატარებული კლინიკური კვლევების შედეგად ორმხრივად დადასტურდა მწვავე პნევმონია, ასევე დადასტურდა პნევმოთორაქსი, მწვავე რესპირატორული დისტრესი. შემოყვანისთანავე დადასტურდა მწვავე სეფსისი ჰემოდინამიკის რღვევით. მოგეხსენებათ, რომ ამ კვლევების შემდეგ პაციენტი მოთავსდა რეანიმაციულ განყოფილებაში, დაწყებულ იქნა სიმპტომური და პათოგენეზური მკურნალობა, მაგრამ დღეს დილით, 9 საათზე სამწუხაროდ დაფიქსირდა ლეტალობა", – განაცხადა კლინიკის ხელმძღვანელმა ლევან რატიანმა.

მისივე თქმით, პაციენტი მარნეული-ბოლნისის კლასტერს განეკუთვნებოდა.

ოთხი აპრილის 12:50 საათის მონაცემები ასეთია:

კორონავირუსის დადასტურებული შემთხვევა - 156
მათ შორის გამოჯანმრთელებული - 28
მათ შორის გარდაცვლილი- 1
კარანტინის რეჟიმში - 5526
სტაციონარში მეთვალყურეობის ქვეშ - 344

[sknews.ge]