თბილისის ინფექციურ საავადმყოფოში ერთი კრიტიკული პაციენტის მდგომარეობა დასტაბილურდა

ოთხი აპრილის დილის მონაცემებით,საქართვლოში კორონავირუსის 156 დადასტურებული შემთხვევაა.

თბილისის ინფექციურ სავადმყოფოში covid 19–ით 39 პაციენტი მკურნალობს, აქედან დღის განმავლობაში ერთი პაცინტის გაწერას ელოდებიან, შესაბამისად კლინიკას 38 დადასტურებული შემთხვევა დარჩება.

„ჩვენი პაციენტების მდგომარეობა გარკვეულწილად დასტაბილურდა იმ თვალსაზრისით, რომ ვამბობდით კრიტიკული ორი რომ გვყავდა ახლა ერთი დაგვრჩა. მეორე კრიტიკული პაციენტის მდგომარეობა სტაბილურია, მაგრამ ჯერჯერობით კვლავ მძიმედ რჩება, ასევე დასტაბილურდა დანარჩენებიც. გვყავს მძიმე პაციენტები, რომლებიც ინტენსიურ მეთვალყურეობას და მკურნალობას საჭიროებენ, ვნახოთ რამდენიმე დღეში შეძლება ამათი მდგომარეობაც დასტაბილურდეს და უკვე პროგნოზირება შესაძლებელი იქნება, რომ მათი გამოჯანმრთელება დადგება,“–ანიშნა ეზუგბაიამ.

მისი განმარტებით, სამი აპრილის შემდეგ, ინფექციურ კლინიკაში ახალი ინფიცირებული არ შეუყვანიათ.

„ჩვენს ცენტრში ახალი არცერთი არ არის, გუშინ ჩვენ მივიღეთ შესაძლო შემთხვევბი, ანუ გამოსაკვლევი პაციენტების გარკვეული რაოდენობა, რომლებიც ჩამოვიდნენ გერმანიიდან, დღეს გაუკეთდებათ ტესტირება და დღის ბოლოსთვის მეცოდინება მათი პასუხები“ – განაცხადა ეზუგბაიამ.

4 აპრილის დილის მონაცემებით, კორონავირუსის 156 შემთხვევაა დადასტურებული, 28 პაციენტი უკვე გამოჯანმრთელებულად მიიჩნევა. კარანტინის რეჟიმში 5 526 პაციენტი იმყოფება, ხოლო სტაციონალური მეთვლყურეობის ქვეშ 344.

საქართველოში კორონავირუსის შემთხვევა პირველად 26 თებერვალს დაფიქსირდა. ვირუსის დაფიქსირებიდან თვეზე მეტი გავიდა, ამ დრომდე ქვეყანაში გარდაცალების ფაქტი არ დაფიქსირებულა.

[ნუკა სტეფნაძე, ახალციხე]