თბილისის ინფექციურ საავადმყოფოში 29 პაციენტს პნევმონია აქვს, აქედან ერთის მდგომარეობა კრიტიკულია

„ამჟამად ჩვენს კლინიკაში 39 პაციენტი მკურნალობს, აქედან ერთის მდგომარეობა კვლავ კრიტიკულად მძიმე რჩება. დანარჩენი პაციენტების მდგომარეობა რომლებიც ინტენსიურ თერაპიაზე იმყოფებოდნენ სტაბილურია და უკვე შეიძლება ითქვას, რომ ძალიან მძიმე პნევმონიით აღარ განიხილებიან, ასეთი ექვსი პაციენტი გვყავდა. გარდა ამ ექვსისა, ასევე 22 პაციენტს საშუალო სიმძიმის პნევმონია აქვს, რომლის მართვა უკვე თავის დაავადების დღეებიდან გამომდინარე ალბათ პროგნოზულად კეთილსაიმედო უნდა იყოს,“ – განაცხადა ეზუგბაიამ.


როგორც, ეზუგაბაია ამბობს ქვეყანაში დღეს დამატებული შვიდი პაციენტიდან, მათ კლინიკაში ერთი მოთავსდა.

„ამჟამად ქვეყანაში 195 დადასტურებული შემთხვევაა, ანუ შვიდი ახლი პაციენტი დაგვემატა, ამ შვიდიდან ჩვენთან არის ერთი, რომლის ინიფიცრების წყარო არის ამერიკა. პაციენტის მდგომარეობა არ არის მძიმე ჯერჯერობით. დღეს გაუკეთდება სრული კვლევები გაფართოვებული სახით და ამ კვლევების შეჯერებით და მისი მდგომარეობის გათვალისწინებით შვაფასებთ მის სიმძიმეს,“ – აღნიშნა ეზუგბაიამ.

საქართველოში შვიდი აპრილის 11:10 საათის მონაცემებით, კორონავირუსის 195 შემთხვევაა დადასტურებული, აქედან 39 პაციენტი გამოჯანმრთელდა. კარანტინის რეჟიმში 4 708 პაციენტი იმყოფება, ხოლო სტაციონალური მეთვალყურეობის ქვეშ 370, გარდაიცვალა 2 ადამიანი.

პირველი გარდაცვალების ფაქტი საქართველოში 4 აპრილს დაფიქსირდა, მეორე პაციენტი კი 5 აპრილს გარდაიცვალა.

საქართველოში კორონავირუსის შემთხვევა პირველად 26 თებერვალს დაფიქსირდა.

[ნუკა სტეფნაძე, ახალციხე]