COVID-19: ინფექციურ საავადმყოფოში ერთი პაციენტის მდგომარეობა მძიმეა

"გუშინ, დღის მეორე ნახევარში დაგვემატა ერთი პაციენტი, რომლის მდგომარეობა პროგნოზირებულად ჯერ–ჯერობით სერიოზულია იმ თვალსაზრისით, რომ მას აქვს მძიმე პნევმონია და დაავადების პროგრესირება მიმდინარეობს შემოსვლიდან დღის განმავლობაში“,
– ამბობს მარინა ეზუგბაია.

მისივე განმარტებით ეს არის პაციენტი, რომლიც სოფელ ყარაჯალადან გადმოიყვანეს და მისი წყარო ჯერ–ჯერობით უცნობია.

“ამ ეტაპზე მიმდინარეობს წყაროს სიღრმისეული მოძიება“ – თქვა ეზუგბაიამ.

ამ დროის მონაცემებით, თბილისის ინფექციურ სავადმყოფოში covid-19-ით 24 პაციენტი მკურნალობს.

საქართველოში კორონავირუსის 914 დადასტურებული შემთხვევაა, აქედან 771 გამოჯანმრთელდა, ხოლო 14 გარდაიცვალა. 2 774 პირი კარანტინის რეჟიმში იმყოფება, სტაციონალური მეთვალყურეობის ქვეშ კი 258 მოქალაქე რჩება.

[ნუკა სტეფნაძე]