მუსლიმები დღეს პრემიერს შეხვდებიან

როგორც „სამხრეთის კარიბჭეს“ ადიგენის მუნიციპალიტეტის სოფელ ჭელის მეჩეთის იმამმა ჯამბულ აბულაძემ აცნობა, შეხვედრას მუსლიმთა რელიგიური ლიდერები დაესწრებიან.

ჯამბულ აბულაძე ამბობს, რომ ეს შეხვედრა ჭელაში 20 სექტემბერს, სრულიად საქართველოს მუსლიმთა სამმართველოს მუფთის ჯემალ პაქსაძის ვიზიტის დროს დაიგეგმა.

„ვინ შეხვდება პრემიერს, ამ ეტაპზე უცნობია. თუმცა, ჭელიდან ადგილობრივები ბათუმში უკვე გავემგზავრეთ. ჩვენი მოთხოვნაა აღდგეს მუსლიმების ფეხქვეშ გათელილი უფლებები და დაბრუნდეს მინარეთიადგილზე. ეს მოთხოვნა თუ არ დაკმაყოფილდება, მოსახლეობა არ დამშვიდდება“, - ამბობს ჯამბულ აბულაძე.

ჭელის მეჩეთის იმამი ამბობს, რომ შეხვედრას ოპტიმისტური განწყობით ელოდება: „ვფიქრობ, რომ პრემიერ-მინისტრი არ არის საქმის კურსში, რა მოხდა ჭელაში და როცადეტალურ ინფორმაციას მივაწვდით, საქმე სხვაგვარად გადაწყდება“.

სად და რომელ საათზე გაიმართება შეხვედრა ამ ეტაპზე უცნობია. ბათუმში უკვე გაემგზავრნენ ადიგენის მუნიციპალიტეტის სოფელ ჭელაში მცხოვრები მუსლიმებიც.

[sknews.ge]