ბათუმიდან მუსლიმები სახლებში ბრუნდებიან

საქართველოს სხვადასხვა კუთხეში მცხოვრები მუსლიმები ბათუმში 28 აგვისტოს გაემგზავრნენ. ლოზუნგით - ”თავისუფლება პატიმარ მინარეთს" ბათუმში, ილია ჭავჭავაძის ძეგლთან, მუსლიმებმა აქცია გამართეს. ისინი მინარეთის ჭელაში დაბრუნებას ითხოვდნენ.

სწორედ იმ აქციაზე დაჰპირდა მუსლიმებს მინარეთის საკითხის გადაწყვეტას აჭარის მთავრობის ხელმძღვანელი.

მუსლიმები აცხადებდნენ, რომ ბათუმში იქამდე დარჩებოდნენ, ვიდრე მინარეთი ჭელაში არ დაბრუნდებოდა.

"რადგან მინარეთი დაბრუნდა, გადაწყვეტილება მივიღეთ, რომ დავუბრინდეთ ჩვენს სახლებს", - განუცხადა "სამხრეთის კარიბჭეს" ჭელის მეჩეთის წინამძღვარმა ჯამბულ აბულაძემ.

შეგახსენებთ, ჭელის მინარეთი უკვე დაასაწყობეს.

[sknews.ge]