ვინ შეეწირა ბიბილიოთეკის სარდაფში დამპალ წიგნებს

მოდებაძეს უფლებამოსილება რამდენიმე საათის წინ შეუწყდა. ამის შესახებ ”სამხრეთის კარიბჭეს” ახალციხის მუნიციპალიტეტის საკრებულოს თავმჯდომარემ ოლეგ სანდროშვილმა განუცხადა.

მოდებაძემ გათავისუფლების შესახებ არაფერი იცის. ოლეგ სანდროშვილი ამბობს, რომ ახალციხის კულტურის დაწესებულებათა გაერთიანების დირექტორს უფლებამოსილება იმ მიზეზით შეუწყდა, რომ მან თავის დროზე წიგნებთან დაკავშირებით შესაბამისი ზომები არ მიიღო.

შეგახსენებთ, ახალციხის ცენტრალური ბიბლიოთეკის სარდაფში ათასობით წიგნი დალპა. დამპალი წიგნები ”სამხრეთის კარიბჭემ” აღმოაჩინა. მას შედეგ, რაც ამის შესახებ მასალა მომზადდა, დაზიანებული წიგნების დამუშავება დაიწყეს. საკრებულოს თავმჯდომარე კი ამბობდა, რომ მომხდარზე პასუხს კომპეტენტურ პირს აუცილებლად მოკითხავდა.

დღეიდან აღნიშნული თანამდებობა ვაკანტურია. ვინ შეასრულებს მოდებაძის მოვალეობას, ჯერჯერობით უცნობია.

[მანანა სარაშვილი, ახალციხე]