როგორ აპირებს დამპალი წიგნების გადარჩენას ჟუჟუნაძე?

"უპირველეს ყოვლისა, ბიბლიოთეკის წიგნების გადარჩენაა ჩვენი მიზანი და ეს უნდა მოხდეს ძალიან სწრაფად. 35 ათასზე მეტი უკვე ამოტანილია სარდაფიდან, დანარჩენი ჯერ ამოსატანია, - ამბობს გიორგი ჟუჟუნაძე.

მისივე თქმით, ბიბლიოთეკის საცავში აუცილებლად გაკეთდება ვენტილაცია: "თუ არ გაკეთდა, ყველა წიგნი ცუდ მდგომარეობაში აღმოჩნდება. მართალია ახლა საგანგაშო მდგომარეობა აღარაა, რადგან წიგნები შეწამლულია, მაგრამ დროთა განმავლობაში მიხედვა აუცილებლად სჭირდება“.

როდის დაიწყება სავენტილაციო სისტემაზე მუშაობა, ჟუჟუნაძე ვერ აკონკრეტებს.

შეგახსენებთ, გიორგი ჟუჟუნაძე ახალციხის კულტურის დაწესებულებათა გაერთიანების დირექტორად ოფიციალურად 5 ივნისს დაინიშნა.

[თამარ თოთაძე, ახალციხე]