აქციის მონაწილეებს, რომლებიც ჩამორთმეული მანქანების დაბრუნებას ითხოვენ გუბერნატორი ხვდება [Video]

აქციის მონაწილეებთან შესახვედრად გუბერნატორის მოადგილე გიორგი მიქელაძე გამოვიდა. მან აქციის ხუთ მონაწილეს გუბერნატორთან აკაკი მაჭუტაძესთან შეხვედრა შესთავაზა. აქციის მონაწილეებს სურდათ, რომ მათთან ერთად რეგიონის პირველ პირთან ჟურნალისტებიც შესულიყვნენ, თუმცა სამხარეო ადმინისტრაციის წარმომადგენლებმა ეს არ დაუშვეს.



შეგახსენებთ, რომ დღეს 26 იანვარს დილიდან ბორჯომსა და ადიგენში მცხოვრები 50–მდე მოქალაქე სამხარეო ადმინისტრაციასთან საპროტესტო აქციას მართავს. მათი მოთხოვნა ხე–ტყის გადატანის დროს ჩამორთმეული მანქანების დაბრუნებაა. ამ პროცესში ჩართვასა და დახმარებას კი გუბერნატორს სთხოვენ.

აქციის მონაწილეები აცხადებენ, რომ თვეების წინ მანქანები ჩამოართვეს, საქმეების გამოძიებას კი აჭიანურებენ. ამიტომ მათი მოთხოვნა საქმეების დროულად გამოძიება და ჩამორთმეული მანქანების დაბრუნებაა.




[sknews.ge]