ხე–ტყის გადატანისას მანქანა ჩამორთმეული მოქალაქეები აქციას მართავენ

დაზარლებულები დღეს, 19 მარტს, დილით, ჯერ სამცხე–ჯავახეთის სამხარეო ადმინისტრაციის შენობასთან შეიკრიბნენ, შემდეგ კი საოლქო პროკურატურასთან გადაინაცვლეს. აქციის მონაწილეები საქმეების სწრაფად გამოძიებას და კუთვნილი ავტომანქანების დაბრუნებას ითხოვენ, რომლებიც თვეებია ჩამორთმეული აქვთ.



დღეს აქციის მონაწილეებს თბილისიდან "ერთიანი ნაციონალური მოძრაობის" წევრებიც შეუერთდნენ. ისინი აცხადებენ, რომ ადგილობრივებმა მიმართეს დასახმარებლად და ამიტომ არიან ჩამოსული. მათივე თქმით, ისინი გეგმავენ დაზარალებულ მოქალაქეებს სამართლებრივი დახმარებაც გაუწიონ.

სამხარეო აქციასთან შეკრებილები მეგაფონებით მიმართავდნენ ადგილობრივი ხელისუფლების წევრებს, რომ დროულად დასრულდეს მათი საქმეების გამოძიება.



გუბერნიის შემდეგ აქციის მონაწილეებმა საოლქო პროკურატურის შენობასთან გადაინაცვლეს, იგივე მოთხოვნებით. ისინი ითხოვენ საქმეების ზედამხედველ პროკურორთან შეხვედრას. მათ ჯერ განცხადებით მიმართეს ოლქის პროკურორს შოთა რიჟამაძეს და დაახლოებით 20 წუთის შემდეგ კი, რადგან არავის გამოვიდა მათთან შესახვედრად, თავად გადაწვიტეს პროკურატურაში შესვლა, რასაც იუსტიციის სახლის ფოიეში დაძაბულობა მოჰყვა.

სამართალდამცავებმა ენმ–ს წევრებს მიმართეს დატოვონ შენობდა და პროკურორი მათ აუცილებლად შეხვდება. ამ დროისთვის მანქანებჩამორთმეული მოაქალაქეებიც და ენმ–ს წევრებიც იუსტიციის სახლის ფოიეში არიან შეკრებილი [ამ შენობაშია საოლქპ პროკურატურა], სამართალდამცველები მათ სთხოვენ, რომ დატოვონ შენობა, მაგრამ, ისინი გარეთ გასვლას არ აპირებენ.

ადგილზე მობილიზებულია პოლიცია.







[თამუნა უჩიძე, ნინო ნარიმანიშვილი, ახალციხე]