შსს: ექვს თვეში ხე–ტყის გადატანის დროს 198 მანქანაა ჩამორთმეული

შინაგან საქმეთა სამინისტროს ინფორმაციით, სამცხე–ჯავახეთში ჩატარებული ოპერატიულ-საგამოძიებო მოქმედებების შედეგად, 2017 წლის აგვისტოდან დღემდე გამოვლენილია:

•ხე-ბუჩქნარის უკანონოდ გაჩეხვის 261 ფაქტი;

•ამოიღეს და დალუქეს უკანონოდ მოპოვებული ხე-ტყის გადამზიდავი 198 ავტო–სატრანსპორტო საშუალება;

• გამოავლინეს და დალუქეს 30 არარეგისტრირებული ლენტური სახერხი საამქრო.

შეგახსენებთ, რომ დღეს, 26 იანვარს, ადიგენისა და ბორჯომის მუნიციპალიტეტების მცხოვრებლებმა, რომლებსაც ბოლო პერიოდში, სხვადასხვა დროს, ხე–ტყის გადატანისას ავტომანქანები ჩამოართვეს, სამცხე–ჯავახეთის სამხარეო ადმინისტრაციასთან და ასევე, სამცხე–ჯავახეთის საოლქო პროკურატურასთან საპროტესტო აქციები გამართეს. აქციის მონაწილეები ჩამორთმეული მანქანების დაბრუნებას ითხოვდნენ.

[sknews.ge]