ასპინძის გამგებლის წინააღმდეგ ხვალ აქცია იგეგმება

თებერვალი, აქციები ასპინძაში პარტიის დაფუძნებისას

აქცია ხვალ, 17 მაისს, დაბა ასპინძაში, გამგეობის შენობასთან გაიმართება. როგორც სატელეფონო საუბარში გამგებლობის ყოფილმა კანდიდატმა პაატა მაისურაძემ განაცხადა, საპროტესტო აქცია დღის 11 საათისთვის იგეგმება.

ახალარჩეულ გამგებელს ლევან ცაბაძეს მისი კონკურენტი გამგებლობის კანდიდატები დიპლომის გაყალბებაში ადანაშაულებენ. მიუხედავად მათი პროტესტისა, დღეს გამართულ საკრებულოს სხდომაზე საკრებულოს დეპუტატებმა ლევან ცაბაძე ერთხმად აირჩიეს. სწორედ ამ გადაწყვეტილებას გააპროტესტებენ ხვალ პაატა მაისურაძის მომხრეები.

შეგახსენებთ, რომ პაატა მაისურაძე, რომელიც „ქართული ოცნების“ ერთერთი აქტიური წევრია, „ქართული ოცნება დემოკრატიული საქართველოს“ რეგიონული ორგანიზაციის თავმჯდომარის თანამდებობისთვისაც იბრძოდა. მიუხედავად მისი არაერთი მცდელობისა,რაიონული ორგანიზაციის თავმჯდომარედ მამუკა მელიქიძე დაინიშნა.

[თინათინ ზაზაძე, ასპინძა]