ასპინძაში გამგებლის დანიშვნას აპროტესტებენ

ასპინძის მუნიციპალიტეტის გამგებლად მორაგბე ლევან ცაბაძე საკრებულოს დეპუტატებმა გუშინ, ერთხმად აირჩიეს. მაისურაძე აცხადებს, რომ ცაბაძის კანდიდატურას დეპუტატებმა ზეწოლის შედეგად დაუჭირეს მხარი.

მაისურაძე ცაბაძეს დიპლომის გაყალბებაშიც ადანაშაულებს. მისივე თქმით, ცაბაძეს არ აქვს საჯარო სამსახურში მუშაობის ორწლიანი გამოცდილება, რაც სავალდებულოა ამ პოსტზე კანდიდატის არჩევისას.

მაისურაძიის მომხრეებმა გამგეობის შენობასთან შეკრება დილიდან დაიწყეს. პარალელურად, გამგეობის შენობაში, დღეს პირველი ოფოციალური თათბირი გამართა მუნიციპალიტეტის ახალდანიშნულმა გამგებელმა ლევან ცაბაძენ. მისი განმარტებით, ეს იყო გაცნობითი ხასიათის თათბირი.

ამ წუთებში ასპინძაში იმყოფება ”სამხრეთის კარიბჭეს” კორესპონდენტიც. თვალი ადევნეთ ვებ-გვერდს, დღის განმავლობაში მოგითხრობთ, როგორ განვითარდება მოვლენები.

შეგახსენებთ, მაისურაძის მომხრეებმა აქცია გუშინვე დააანონსეს.

[sknews.ge]