ლოცვა ყინვაში [Photo]

მეჩეთის შენობაზე დავა 2014 წლის 18 ოქტომბრიდან დაიწყო, მას შემდეგ რაც ადიგენის გამგეობამ მასში კულტურის სახლის მოწყობა გადაწყვიტა;

22 ოქტომბერს, მუსლიმებმა მშენებლებს შენობის დანგრევის საშუალება არ მისცეს. სოფელში შეხლა–შემოხლა მოხდა; დააკავეს 14 მუსლიმი, – 11 ადმინისტრაციული, 3 სისხლის სამართლის დანაშაულის ნიშნებით.

რელიგიური კონფლიქტის თავიდან ასაცილებლად, შენობის წარმომავლობის დასადგენად, სახელმწიფო კომისია შეიქმნა;

კომისიის შექმნიდან ორი წლის თავზე 2016 წლის ოქტომბერში, მუსლიმებმა სადავო შენობაში ლოცვა დაიწყეს;

სამი დღის შემდეგ, სამართალდამცველებმა სადავო შენობას პოლიციის ლენტი შემოავლეს, შესასვლელი კი ფიცრებით ჩაკეტეს;

3 ნოემბერს, კომისიამ გადაწყვიტა, რომ შენობა არცერთ მხარეს არ გადაეცემა;

1 დეკემბერს, კომისიამ გადაწყვიტა, რომ შენობა ძეგლთა დაცვის სააგენტოს გადაეცემა;

შენობის მუსლიმებისთვის გადაცემა არ სურთ მართლმადიდებლებს, იმ მოტივით, რომ იგი ეკლესიის ქვებითაა აგებული;

მუსლიმებს სთავაზობენ სოფლის ცენტრში ახალი მეჩეთის აშენებას; მათ კი ეს არ სურთ და ამ მეჩეთის გადაცემას ითხოვენ;

[თინათინ ზაზაძე, ნინო ნარიმანიშვილი, ადიგენი]