სამხარეო ადმინისტრაციაში დღეს ე.წ. მოხეს კომისიის მორიგი სხდომა გაიმართება

შეგახსენებთ, სოფელ მოხეს სადავო შენობის წარმომავლობის შემსწავლელმა კომისიამ წინა სხდომა, ასევე სამცხე–ჯავახეთში, 3 ნოემბერს გამართა. ამ სხდომაზე გადაწყდა, რომ სადავო შენობა არცერთ მხარეს არ გადაეცემა, მუსლიმებს კი ორი ვერსია შესთავაზეს, – პირველი: სახელმწიფო შეისყიდის იმ შენობას, რომელშიც მუსლიმები აქამდე ლოცულობდნენ და მას გადასცემს მუსლიმებს. და მეორე, სახელმწიფო სოფელ მოხეში შეისყიდის მიწას და იმ მიწაზე მუსლიმებს აუშენებს სალოცავს.

მოხეში მცხოვრები მუსლიმები აცხადებენ, რომ სოფელში ახალი მეჩეთის აშენება არ უნდათ. მათ არც აქამდე სალოცავად არსებული სახლის გადაცემა სურთ, რადგან მას მეჩეთის საძირკველი არ აქვს.

„ახალი მეჩეთის აშენების წინააღდეგი ვართ ნებისმიერ ადგილზე სოფელში. ვითხოვთ არსებული მეჩეთის გადმოცემას“, – ამბობს მოხეში მცხოვრები თემურ მიქელაძე.

მოხეში მცხოვრები მუსლიმები, ამ კომისიასაც აღარ ენდობიან.

სამხარეო ადმინისტრაციაში სხდომა 12:00 საათზე დაიწყება. თვალი ადევნეთ ვებვერდს.

[sknews.ge]