მოხეში ახალი მეჩეთი აშენდება

ეს გადაწყვეტილება მოხეში სადავო შენობის წარმომავლობის შემსწავლელმა კომისიამ დღეს, 11 მაისს მიიღო. ორწელიწადნახევრის შემდეგ კომისიამ მუშაობა დაასრულა. საბოლოო შეთანხმების მიხედვით, მოხეს ცენტრში მდებარე შენობა სადავო სტატუსით, ძეგლთა დაცვის ეროვნულ სააგენტოს გადაეცა, სოფელში, ამავე შენობის გვერდით კი ახალი მეჩეთი აშენდება.

„,მუსლიმთა სამმართველოს ყოფილი მეჩეთის გვერდით, ხელმარჯვნივ 50 მეტრში ადგილი უსასყიდლოდ გადასცეს“, – ამბობს მამუკა ვაშაყმაძე.

მისი თქმით, კომისიის საბოლოო გადაწყვეტილება მისაღებია: „სოფლეში მრევლს მოეწონება თუ არა ეს მათ უნდა ჰკითხოთ. მე კი ვფიქრობ, რომ ასე სამომავლოდ ამ საკითხთან დაკავშირებით ყოველგვარ ექსცესებს ავირიდებთ თავიდან“.

როგორც "სამხრეთის კარიბჭეს" მუსლიმთა საამმართველოში განუმარტეს მიწა ადგილობრივმა მუსლიმმა ოთარ მიქელაძემ მეჩეთის ასაშენებლად მათ უსასყიდლოდ გადასცა: "აქ მეჩეთს სახელმწიფო და მუსლიმთა სამმართველო ერთობლივი ძალებით ააშენებს".

შეგახსენეთ, რომ მოხეში 2014 წლის ოქტომბერში შექმნილი კომფლიქტის გამო ე.წ. მოხეს კომისია შექმნეს. კომისიამ მუშაობა 2014 წლის 2 დეკემბერს დაიწყო.

[თამუნა უჩიძე, ახალციხე]